30 shilde kúni aýa raıy qandaı bolady
NUR-SULTAN. QazAqparat - «Qazgıdromet» RMK mamandary 30 shilde kúni Qazaqstanda aýa raıy qandaı bolatynyn aıtty, dep habarlaıdy QazAqparat.
Qazaqstan aýmaǵynyń basym bóliginde atmosferalyq fronttardyń áserinen turaqsyz aýa raıy saqtalady – naızaǵaı jarqyldap, jańbyr jaýady, shyǵysta keı jerlerde qatty jańbyr jaýady.
Tek elimizdiń batysynda jáne ońtústiginde kúsh ashyq bolady. Respýblıkanyń keı jerlerinde jel kúsheıip, daýyl soǵady, burshaq jaýýy yqtımal.
Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde daýyl turyp, burshaq jaýady, jel ekpini - 15-20 m/s. Kúndiz Soltústik Qazaqstan oblysynyń keı jerlerinde jel qarqyny 25 m/s jetedi.
Túnde jáne tańerteń Soltústik Qazaqstan, Qaraǵandy oblystarynyń keı jerlerinde tuman túsedi. Kúndiz Aqmola, Túrkistan, Jambyl, Qostanaı, Qyzylorda oblystarynyń keı jerlerinde jel jyldamdyǵy 15-20 m/s bolady.
Qyzylorda oblysynda shańdy daýyl soǵady. Manǵystaý oblysynyń keı jerlerinde burshaq jaýýy yqtımal.
Kúndiz Atyraý oblysynda, Batys Qazaqstan oblysynyń ońtústiginde aptap ystyq bolady.
Atyraý, Qyzylorda, Aqtóbe, Túrkistan oblystarynyń basym bóliginde, Batys Qazaqstan, Jambyl, Qaraǵandy, Almaty oblystarynyń keı jerlerinde tótenshe órt qaýpi saqtalady.
