30 sáýir. Kazinform kúntizbesi. Jylnama
Kazinform oqyrman nazaryna 30 sáýirge arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Halyqaralyq músin kúni
2015 jyly Halyqaralyq músin ortalyǵy (International Sculpture Center) qurǵan jyl saıynǵy mereke. Onyń mindeti — músindi óner túri retinde tanymal etý jáne adamdarǵa áıgili músindik shedevrler týraly múmkindiginshe kóbirek bilýge kómektesý.
Halyqaralyq djaz kúni
Alǵash ret 2012 jyly atap ótildi. Jańa ataýly kúnniń kúntizbege engiziletini týraly UNESCO Bas konferentsııasy 2011 jylǵy qarashada jarııalaǵan edi.
ESTE QALAR OQIǴALAR
1945 jyly dál osy kúni Raqymjan Qoshqarbaev pen Grıgorıı Býlatov Reıhstagqa tý tikti. Reseıdiń Áskerı tarıh ınstıtýty 1-i Belarýs maıdanyndaǵy 150-i atqyshtar dıvızııasynyń leıtenanty Raqymjan Qoshqarbaevtyń 1945 jyldyń 30 sáýirinde Reıhstagqa tý tikkeni týraly tarıhı oqıǵany 2007 jyldyń 7 mamyrynda resmı túrde rastady.
2012 jyly taekvondodan jattyqtyrýshy tarazdyq Rýslan Ismazov «Ordabasy» atty jańa komandalyq oıynyn patenttedi. Bul oıynda tórt adamnan quralǵan eki komanda shyǵys jekpe-jeginen saıysqa túsip, jalaýdy ıelenýge talasady.
2013 jyly almatylyq Olga Korenchýktiń «Doroga nomadov» atty týyndysy jyl saıynǵy «Aýstrııalyq fotosýrettik sýperkrýızde» «Arnaıy taqyryptar» bólimi boıynsha altyn medal ıelendi.
2013 jyly Astanadaǵy «Respýblıkalyq neırohırýrgııa ǵylymı ortalyǵy» AQ Joint Commission International (JCI) halyqaralyq birlesken komıssııasy quramyna kirdi.
2014 jyly Astana ýaqyty boıynsha 7 saǵat 35 mınýtta Kýrý ǵarysh aılaǵynan eýropalyq «Vega» zymyrany ushyryldy. Ol orbıtaǵa Qazaqstannyń Jerdi qashyqtyqtan zondtaý spýtnıgin shyǵardy.
2015 jyly QR Prezıdenti janynan ınstıtýtsıonaldyq reformalardy júzege asyrý maqsatynda Jańǵyrý jónindegi ulttyq komıssııa quryldy.
2017 jyly repressııa jyldarynda qýǵynǵa ushyraǵan aqyn jáne dramatýrg Іlııas Jansúgirovtiń qujattary aqynnyń Taldyqorǵandaǵy ádebı-memorıaldyq mýzeıine berildi.
2018 jyly qazaqstandyq oqýshy Dinmuhammed Tólendıev 7 jasqa deıingi sanatta shahmattan álem chempıony atandy.
2018 jyly UNESCO-nyń Parıjdegi shtab-páterinde ótken «Egoızm men mádenı qundylyqtardyń qaıta órleýi: túrki tili ótkennen bolashaqqa deıin» halyqaralyq forýmy aıasynda tanymal qazaqtyń uly aqyny Maǵjan Jumabaev týraly kitap tanystyryldy.
2019 jyly Astanada Horvatııa elshiligi ashyldy. Bul Qazaqstandaǵy 70-shi shet memleket ókildigi boldy.
2021 jyly Q.Qýanyshbaev atyndaǵy memlekettik akademııalyq qazaq mýzykalyq drama teatry ishinen erkin shyǵarmashylyqqa arnalǵan «QALLEKI» teatr zerthanasy ashyldy. Zerthananyń maqsaty — shyǵarmashyl jandar úshin baılanys ortasyn qurý jáne ónerge ózgeshe kózqaras jasap, tyń dúnıelerdi sahnalaý. Zerthana alańynda eksperımenttik spektaklderdi sahnalaý, sheteldik mamandarmen sheberlik saǵattaryn uıymdastyrý, jazýshy-dramatýrgtermen kezdesý, pesa talqylaý, jańa rejısserlermen baılanys ornatý jáne taǵy da basqa kóptegen tyń dúnıelerdi júzege asyrý josparlanǵan.
2021 jyly «Qazaqstannyń 100 jańa esimi» jobasynyń jeńimpazy Damır Nurkejanov óziniń jeke robototehnıkalyq mektebiniń bazasynda oqýshylarymen birge taıaqtyń kómeginsiz júre almaıtyn zaǵıp adamdardyń ómirin jeńildetetin biregeı tehnologııany oılap tapty. Olar tehnologııany «kómekshi bilezik» dep atady.
2025 jyly Táýelsizdik saraıynda Enactus Kazakhstan National Expo 2025 jastar kásipkerliginiń mereıtoılyq 30-shy kýbogy ótti. 2025 jyly 20 aımaqtan 230 komanda qatysty, onyń 189-y kelesi kezeńge ótti. Jeńimpazdar Taılandta ótetin Enactus World Cup 2025-te Qazaqstandy tanystyrady.
Enactus World Cup 2025 — kelesi býyn kóshbasshylaryn biriktiretin eń úzdik stýdenttik startaptar men áleýmettik jobalardyń eń iri ulttyq kórmesi.
2025 jyly Qazaqstanda eldiń ınvestıtsııalyq tartymdylyǵyn nyǵaıtýǵa jáne uzaq merzimdi iskerlik seriktestikterdi qoldaýǵa baǵyttalǵan jańa ınvestorlyq vıza erejelerin bekitti. Jańa sharttarǵa sáıkes, qazaqstandyq kompanııalardyń jarǵylyq kapıtalyna nemese jergilikti baǵaly qaǵazdarǵa keminde 300 myń AQSh dollar ınvestıtsııa salǵan sheteldik azamattar ınvestorlyq vızaǵa elektrondy ótinish bere alady. Bul «altyn vıza» keıinnen Qazaqstanda 10 jylǵa deıin turýǵa ruqsat alý múmkindigin qarastyrady.
