30 sáýir. Kazinform kúntizbesi. Tulǵalar týǵan kún
Búgin, 30 sáýirde tulǵalardan kimder dúnıege kelgen? QazAqparat oqyrmandar nazaryna esimder kúntizbesin usynady.
ESІMDER
85 jyl buryn (1941) Halyqaralyq kólik-gýmanıtarlyq ýnıversıtetiniń rektory Amangeldi Jumaǵalıuly OMAROV dúnıege keldi.
Balqash qalasynda týǵan. 1966 jyly Novosibir temir jol ınjenerleri ınstıtýtyn bitirgen. Tehnıka ǵylymdarynyń doktory, dıssertatsııa taqyryby: «Jynystardyń fızıkalyq-mehanıkalyq qasıetteriniń temir jol tósemderiniń ónimdiligine áseri» (1998); Halyqaralyq kólik akademııasynyń akademıgi (1993); Halyqaralyq ınjenerlik akademııanyń akademıgi (1998); QR Injenerlik akademııasynyń akademıgi (2000); Halyqaralyq aqparattandyrý akademııasynyń akademıgi (2001); QR Joǵary bilim ǵylym akademııasynyń akademıgi (2002); Halyqaralyq joǵary bilim ǵylymdary akademııasynyń akademıgi (2003).
Eńbek joly: 1966-1968 jyldary Qazaq temir jolynyń Arys, Qaraǵandy jol araqashyqtyǵynyń aǵa sheberi, jol sheberi, aǵa jol sheberi, 1968-1977 jyldary Qaraǵandy jol araqashyqtyǵynyń bas ınjeneri, bastyǵy, Balqash jol araqashyqtyǵynyń bastyǵy, 1977-1983 jyldary Tyń temir jolynyń Qaraǵandy bólimshesinde jol bóliminiń bastyǵy, bastyǵynyń orynbasary, bas ınjeneri, 1983-1991 jyldary Almaty temir joly bastyǵynyń orynbasary, 1991-1997 jyldary Almaty temir jolynyń bastyǵy, 1997 jyly «Qazaqstan temir joly» RMK bas dırektorynyń birinshi orynbasary, 1997-2003 jyldary M.Tynyshpaev atyndaǵy Qazaq kólik jáne kommýnıkatsııalar akademııasynyń prezıdenti, rektory, 2003 jyldan — Qazaq temirjol kóligi ýnıversıtetiniń rektory.
«Eren eńbegi úshin» jáne Qazaqstan Respýblıkasy Táýelsizdiginiń 10 jyldyǵy medaldarimen, «Qurmetti temirjolshy», «Qazaqstan Respýblıkasynyń qurmetti bilim qyzmetkeri» tósbelgilerimen marapattalǵan.
65 jyl buryn (1961) QR Jýrnalıstıka akademııasynyń akademıgi, QR Jazýshylar odaǵynyń múshesi Aleksandr ıÝrevıch TARAKOV dúnıege keldi.
Ýkraınanyń Cherkassk oblysy Chıgırın qalasynda týǵan. 1983 jyly S. M. Kırov atyndaǵy Qazaq memlekettik ýnıversıtetin «jýrnalıst», 1993 jyly Qazaqstan menedjment, ekonomıka jáne boljaý ınstıtýtyn «saıasattanýshy» mamandyǵy boıynsha támamdaǵan.
Eńbek joly: 1983-1988 jyldary «Lenınskaıa smena» gazetiniń tilshisi, bólim meńgerýshisi, 1987-1991 jyldary «Araı-Zarıa» qoǵamdyq-saıası, ádebı-kórkem respýblıkalyq jastar jýrnalynyń bólim redaktory, bas redaktorynyń orynbasary, 1991 jyly Qazaqstannyń KP OK «Suhbat-Pozıtsııa» jarshysy bas redaktorynyń orynbasary. 1992-1994 jyldary «AZııA» memleketaralyq gazetiniń sholýshysy, 1994 jyly bólim meńgerýshisi, 1998 jyly bas redaktordyń birinshi orynbasary, 2002-2007 jyldary «Kazahstanskaıa pravda» respýblıkalyq gazeti» AQ bas redaktorynyń vıtse-prezıdenti, 2007-2011 jyldary «Kazahstanskaıa pravda» respýblıkalyq gazeti» AQ prezıdenti, 2011-2014 jyldary «Kazahstanskaıa pravda» respýblıkalyq gazeti» AQ Basqarma tóraǵasynyń orynbasary, 2014-2016 jyldary «Kazahstanskaıa pravda» respýblıkalyq gazeti» AQ Basqarma tóraǵasy, 2016 jyly «Kazahstanskaıa pravda» respýblıkalyq gazeti» AQ Basqarma tóraǵasynyń orynbasary, 2016-2019 jyldary QR Prezıdenti janyndaǵy «Qoǵamdyq kelisim» RMM dırektory qyzmetin atqarǵan.
54 jyl buryn (1972) Ulytaý oblystyq máslıhatynyń VIII shaqyrylym depýtaty, Ulytaý aýdandyq máslıhatynyń ekonomıkalyq damý, bıýdjet, qarjy, ónerkásip jáne kásipkerlik máseleleri jónindegi turaqty komıssııasynyń tóraǵasy Vıktorııa Aleksandrovna STAVITsKAıA dúnıege keldi.
Qaraǵandy oblysy, Ulytaý aýdany, Qarsaqpaı kentinde týǵan. 2001 jyly O. A. Baıqońyrov atyndaǵy Jezqazǵan ýnıversıtetin «Ekonomıka jáne menedjment» mamandyǵy boıynsha bitirgen.
Eńbek joly: 2005 jyly «Sátbaev qalasynyń ekonomıka jáne bıýdjettik josparlaý bólimi» memlekettik mekemesi basshysynyń orynbasary, 2009 jyly «Sátbaev qalasynyń qarjy bólimi» memlekettik mekemesi basshysynyń orynbasary, 2010 jyly «Jezqazǵan qalasynyń ekonomıka jáne bıýdjettik josparlaý bólimi» memlekettik mekemesiniń basshysy, 2013-2022 jyldary «Jezqazǵan qalasynyń ekonomıka jáne qarjy bólimi» memlekettik mekemesiniń basshysy, 2022 jyly «Ulytaý oblysynyń qarjy basqarmasy» memlekettik mekemesi basshysynyń mindetin atqarýshy, 2022-2024 jyldary Ulytaý oblysy ekonomıka basqarmasynyń basshysy laýazymyn atqardy.
2024 jyldyń qazan aıynan beri qazirgi qyzmetinde.
53 jyl buryn (1973) Qazaqstan Respýblıkasy Parlamenti Májilisiniń VIII shaqyrylym depýtaty, zańnama jáne sot-quqyqtyq reforma komıtetiniń múshesi Únzıla Shapaqqyzy ShAPAQ dúnıege keldi.
1973 jyly Mońǵolııa Respýblıkasynda týǵan. E.A.Bóketov atyndaǵy Qaraǵandy memlekettik ýnıversıtetin bitirgen.
Eńbek joly: 1996-1998 jyldary Qaraǵandy memlekettik ýnıversıteti zań fakýltetiniń oqytýshysy, 2004-2009 jyldary Qazaq gýmanıtarlyq zań ýnıversıtetindegi Memleket jáne quqyq teorııasy men tarıh kafedrasynyń dotsenti, 2009-2010 jyldary QazGZÝ-da kafedra meńgerýshisi, 2011-2016 jyldary «Qazaq memlekettik zań ýnıversıteti» AQ Joǵary zań mektebiniń dırektory, 2016-2022 jyldary QR Konstıtýtsııalyq Keńesiniń múshesi boldy. M.Nárikbaev atyndaǵy QazGZÝ-da oqytýshy.
2023 jyldyń naýryz aıynan bastap qazirgi qyzmetinde.
51 jyl buryn (1975) Aqtóbe oblysynyń qylmystyq ister jónindegi mamandandyrylǵan aýdanaralyq sotynyń tóraǵasy Altynbek Baltabaıuly SABYROV dúnıege keldi.
Aqtóbe oblysy Baıǵanın aýdanynda týǵan. Aqtóbe memlekettik ýnıversıtetin (1996), «Ádilet» joǵary zań mektebin (2000) bitirgen.
Eńbek joly: 1997-2001 jyldary Aqtóbe oblystyq sot otyrysynyń hatshysy, 2001-2005 jyldary Aqtóbe oblysy boıynsha Sottar Ákimshisi Sottardyń qyzmetin uıymdastyrý bóliminiń bas mamany, bólim basshysy, 2005-2012 jyldary Muǵaljar aýdandyq sotynyń sýdıasy, 2012-2017 jyldary Muǵaljar aýdany № 2 aýdandyq sotynyń tóraǵasy, 2017-2022 jyldary Aqtóbe oblysynyń qylmystyq ister jónindegi mamandandyrylǵan aýdanaralyq sotynyń sýdıasy laýazymyn atqarǵan.
Qazirgi qyzmetinde 2022 jyldyń jeltoqsanynan beri.
45 jyl buryn (1981) «Qazaqstan qor bırjasy» AQ (KASE) Basqarma tóraǵasy Ádil Nurlanuly MUHAMEDJANOV dúnıege keldi.
Almatyda týǵan. 1987 jyly Almatydaǵy Qazaq eńbek jáne áleýmettik qatynastar akademııasyn, 2019 jyly Nazarbaev ýnıversıtetiniń joǵary bıznes mektebin bitirgen.
Kásibı qyzmetin 2002 jyly QR Ulttyq Bankiniń Monetarlyq operatsııalar departamentinde bastap, Departament dırektorynyń orynbasary laýazymyn qosa alǵanda, birqatar jaýapty laýazymda eńbek etti, aqsha-kredıt saıasatyn iske asyrýǵa jáne Ulttyq qordyń aktıvterin basqarýǵa jetekshilik etti.
KASE-de Basqarma tóraǵasynyń orynbasary qyzmetin atqaryp, saýda-sattyq pen klırıng qyzmetin baqylaý men úılestirýdi júzege asyrdy. 2021-2025 jyldary «Baǵaly qaǵazdar ortalyq depozıtarııi» AQ Basqarma tóraǵasy qyzmetin atqardy.
Qazirgi laýazymyna 2025 jyldyń naýryzynda kiristi.
113 jyl buryn (1913-1999) (keıbir derekter boıynsha 1912 jyldyń 20 jeltoqsanynda týǵan) sýretshi, ulttyq kásibı beıneleý óneriniń negizin salýshylardyń biri, Qazaq KSR-niń halyq sýretshisi Áýbákir YSMAIYLOV dúnıege kelgen.
Qaraǵandy oblysynda týǵan. Omby kórkemónerkásip tehnıkýmyn, Máskeý memlekettik teatr óneri ınstıtýtyn bitirgen. «Eńbekshi qazaq» («Egemen Qazaqstan») gazeti men Petropavl qalasyndaǵy ólketaný murajaıynyń sýretshisi, Qazaqstan Sýretshiler odaǵy uıymdastyrý komıtetiniń tóraǵasy, Muhtar Áýezov atyndaǵy Qazaq memlekettik akademııalyq drama teatrynyń sýretshisi ári rejısseri qyzmetterin atqarǵan.
Ulttyq keskindeme óneriniń realıstik baǵytyndaǵy sýretshi, stıli halyq sheberleri týyndylarymen astasyp jatady. «Kórtoǵaı», «Han Táńirindegi jaılaý», «Shalkóde alaby» atty shyǵarmalardyń avtory. Birqatar kıno fılmderge de túsken.
Eńbek Qyzyl Tý, «Qurmet belgisi» ordenderimen marapattalǵan.
85 jyl buryn (1941-2021) qoǵam qaıratkeri, Qazaqstan Jýrnalıster odaǵy syılyǵynyń, Halyqaralyq Abaı atyndaǵy ádebı syılyqtyń ıegeri, Halyqaralyq televızııa jáne radıo akademııasynyń (JATR) akademıgi Sultan Sháripuly ORAZALY dúnıege kelgen.
Shyǵys Qazaqstan oblysynyń Aıagóz qalasynda týǵan. Ál-Farabı atyndaǵy Qazaq ulttyq ýnıversıtetiniń fılologııa fakýltetin bitirgen.
Qazaq radıosy men televızııasynyń redaktory, aǵa redaktory, bas redaktory qyzmetterin atqarǵan. 1967-1984 jyldary Qazaq televızııasy baǵdarlamalar bas redaktsııasynyń bas redaktory, 1984-1986 jyldary Qazaqstan Kompartııasy OK mádenıet bóliminiń nusqaýshysy, kórkem ádebıet sektorynyń meńgerýshisi, 1986-1993 jyldary «Óner» baspasynyń dırektory, 1993-1995 jyldary QR Til komıtetiniń tóraǵasy, 1995-1997 jyldary Ult saıasaty jónindegi memlekettik komıtet tóraǵasynyń birinshi orynbasary, 1997 jyly QR Bilim jáne mádenıet mınıstrligi Til saıasatyn úılestirý departamentiniń dırektory, 1998-1999 jyldary QR Energetıka, ındýstrııa jáne saýda mınıstrligi Avtorlyq quqyq jónindegi agenttiktiń tóraǵasy, 2000-2001 jyldary QR Ádilet mınıstrligi Avtorlyq quqyq jónindegi komıtet tóraǵasy, 2001-2005 jyldary QR Ádilet mınıstrligi Quqyqtyq nasıhat, memlekettik tildi damytý jáne jurtshylyqpen baılanys departamentiniń dırektory bolyp qyzmet atqardy. «Zań — nasıhat» JShS bas dırektory boldy.
Ol QR Prezıdenti janyndaǵy memlekettik saıasat jónindegi ulttyq keńestiń, Qazaqstan halqy Assambleıasy keńesiniń, QR Memlekettik syılyǵyn berý jónindegi memlekettik komısııasynyń múshesi bolyp saılanǵan. Qazaqstannyń onomastıkalyq, termınologııalyq komıssııalarynyń jumysyn basqarýǵa qatysyp, kóptegen jer ataýlarynyń tarıhı qalpyna kelýine úles qosqan. Ondaǵan ádebı-zertteý maqalalary, «Ómir shyndyǵy jáne kórkemdik sheshim» atty monografııasy, «Avtordy qorǵaý — rýhanııatty qoldaý», «Júrektiń kózi ashylsa» atty kitaptary, orys jáne shetel jazýshylarynyń roman, povesterin qazaqshalaǵan eńbekteri jaryq kórgen.