30 sáýirde ótetin mańyzdy sharalar ańdatpasy
NUR-SULTAN. QazAqparat - «QazAqparat» halyqaralyq aqparat agenttigi 30 sáýirde elimizde ótetin mańyzdy sharalar ańdatpasyn usynady.
11.00-de Densaýlyq saqtaý mınıstri A.V. Tsoıdyń halyq aldynda esep berý kezdesýi ótedi. Mınıstr esep berý kezdesýinde mınıstrliktiń 2020 jylǵy qyzmetiniń qorytyndylary men aldaǵy josparlary týraly aıtady, sondaı-aq kópshilik suraqtaryna jaýap beredi. Mınıstrliktiń https://www.gov.kz/memleket/entities/dsm?lang=ru
resmı ınternet-resýrsynda esep berý kezdesýiniń tikeleı kórsetilimi ótedi.
14.30-de QR Prezıdenti janyndaǵy Ortalyq kommýnıkatsııalar qyzmetinde «Qarýly kúshterde zattaı múlikpen qamtamasyz etý jáne tamaqtandyrýdy uıymdastyrý» atty baspasóz konferentsııasy ótedi. Spıkerler: QR Qorǵanys mınıstriniń orynbasary Muhamedjan Talasov, QR QM kıim-keshek basqarmasynyń bastyǵy Áset Orazalın, QR QM azyq-túlik basqarmasynyń bastyǵy Qaınar Smanov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
15.00-de QR Aqparat jáne qoǵamdyq damý mınıstri Aıda Balaevanyń tóraǵalyǵymen onlaın formatta Aqparatqa qol jetkizý máseleleri jónindegi komıssııanyń otyrysy ótedi. Otyrysta Memleket basshysyna aqparatqa qol jetkizý salasynyń jaı-kúıi týraly jyl saıynǵy eseptiń jobasyn talqylaý josparlanýda. Otyrystyń tikeleı kórsetilimi Aqparat jáne qoǵamdyq damý mınıstrliginiń Facebook-tegi https://www.facebook.com/aqparatqogam/ resmı paraqshasynda ótedi.
16.00-de QR Ulttyq mýzeıinde QR Táýelsizdiginiń 30 jyldyǵyna oraı QR mádenıet qaıratkeri, Qazaqstan jáne Reseı Sýretshiler odaǵynyń múshesi, Qazaqstan jáne Reseı óner akademııasynyń múshesi, UNESCO, «Shabyt» halyqaralyq festıvaliniń laýreaty, qazaq óneriniń janashyry, H.Dosmuhamedov atyndaǵy Atyraý memlekettik ýnıversıteti «Beıneleý jáne dızaın» fakýltetiniń dotsenti Kamıla Japalovanyń «Ómir órnek» atty kórmesi saltanatty túrde ashylady.
16.00-de Dostyq úıinde onlaın formatta Qazaqstan halqy Assambleıasynyń Qazaqstan halqynyń birligi merekesine arnalǵan telekópir ótedi. Aımaqtardan kelgen qatysýshylar ZOOM konferentsııalyq platformasy arqyly qosylady.
17.00-de Q.Qýanyshbaev atyndaǵy memlekettik akademııalyq qazaq mýzykalyq drama teatry erkin shyǵarmashylyqqa arnalǵan «QALLEKI» laboratorııasynyń ashylýyna oraı, BAQ ókilerine arnalǵan baspasóz konferentsııasyn ótkizedi.
