30 sáýirde kún tutylady
NUR-SULTAN. QazAqparat – 2022 jyly alǵash ret 30 sáýirde kún tutylady. Bul týraly Máskeý planetarııasy resmı saıtynda jazylǵan, dep habarlaıdy QazAqparat tilshisi.
«2022 jyly alǵash ret 30 sáýirde kún tutylady. Kúnniń tutylǵanyn Antarktıdada, Ońtústik Amerıkada, Tynyq muhıtynyń ońtústik-shyǵysynan kórýge bolady» delingen habarlamada.
Aldaǵy astronomııalyq oqıǵanyń ereksheligi - 30 sáýirdegi kúnniń tutylýy 2022 jyly alǵashqy tutylý dálizin ashady, ol 16 mamyrǵa, aı tutylǵanǵa deıin jalǵasady.
Bul kúni, 2022 jyldyń 16 mamyrynda, aı tutylady. Ol Soltústik jáne Ońtústik Amerıkanyń kóp bóliginde, sondaı-aq ishinara Afrıka men Eýropada kórinedi. Bul tabıǵat qubylysy Nur-Sultan ýaqyty boıynsha 9:14-te bolady.
2022 jyldyń astronomııalyq kúntizbesinde tutylýdyń eki dálizi bar: 2022 jyldyń 30 sáýirinen 16 mamyryna deıin jáne 2022 jyldyń 25 qazanynan 8 qarashasyna deıin. Barlyǵy 2022 jyly 4 ret (2 ret kún jáne 2 ret aı) tutylady.
