30 sáýirde elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 30 sáýir kúni elordada ótetin mańyzdy sharalar ańdatpasyn usynady.
9.00-de Qorǵanys mınıstrliginiń uıymdastyrýymen QR Qarýly Kúshteriniń 30 jyldyǵyna arnalaǵan «Otan. Armııa. Jas Sarbaz» atty jappaı júgirý ótedi.
Jappaı júgirýge qatysýshylar «Otan Ana» monýmentinen bastap, Táýelsizdik dańǵyly – Momyshuly – Saraıshyq - Túrkistan kósheleri arqyly «Báıterek» monýmenti baǵyty boıynsha júgiredi. Marshrýttyń jalpy uzyndyǵy – 3 km.
10.00-de Qazaqstan halqy Assambleıasynyń Nur-Sultan qalalyq ókilderi «Birge-taza Qazaqstan» respýblıkalyq aktsııasy aıasynda «Jeruıyq-2» saıabaǵynda jalpyqalalyq senbilikke shyǵyp, kóshet otyrǵyzady.
11.00-de Paralımpıadalyq jattyqtyrý ortalyǵynda ınklıýzıvti cherlıdıng, chır-sport jáne majoret-sport boıynsha Qazaqstan ashyq týrnıri ótedi.
11.00-de Prezıdenttik klınıkada Parkınson aýrýy bar patsıentter aýrýmen kúresýdiń tıimdi keısterin bólisetin forým ótedi.
12.00-de «Qyzmet» salalyq kásipodaǵynyń ortalyq keńesi men Nur-Sultan qalasy boıynsha «Qyzmet» salalyq kásipodaq fılıalynyń atqarý komıteti Ulttyq ulannyń №5573 áskerı bólimine barady.
19.00-de Q. Qýanyshbaev atyndaǵy memlekettik akademııalyq qazaq mýzykalyq-drama teatrynda «Qyzyl oramaldy shynarym» lırıkalyq dramasy kórsetiledi.
19.00-de Jastar teatrynda «Prank-mahabbat» komedııasy kórsetiledi.
