30 sáýir. QazAqparat kúntizbesi
ATAÝLY KÚNDER
Halyqaralyq djaz kúni
Alǵash ret 2012 jyly atap ótildi. Jańa kúnniń kúntizbege engiziletini týraly ıÝNESKO Bas konferentsııasy 2011 jylǵy qarashada jarııalaǵan edi.
ESTE QALAR OQIǴALAR
1945 jyly Raqymjan Qoshqarbaev pen Grıgorıı Býlatov Reıhstagqa tý tikti.
2005 jyly Elbasy Nursultan Nazarbaev «Qazaqstan Respýblıkasy Konstıtýtsııasynyń 10 jyldyǵy qurmetine arnalǵan merekelik medal týraly» Jarlyqqa qol qoıdy.
2010 jyly Ulan-Batordaǵy Mońǵol ǵylym akademııasynda Nursultan Nazarbaevtyń «Qazaqstandyq jol» jáne «Eýrazııa júreginde» kitaptarynyń tusaýy kesildi.
2010 jyly Shanhaıda Qazaqstan Úkimetiniń basshysy Kárim Másimov «EKSPO-2010» kórmesinde ulttyq pavılonnyń ashylý rásimine qatysty. Qazaqstan pavılonynyń taqyryby: «Astana - Eýrazııa júregi». Pavılonǵa Qazaqstan Astanasynyń ádemiligin kórsetý úshin vırtýaldandyrý tehnologııasy, ozyq aqparattyq júıe paıdalanyldy. Qazaqstan pavılonynyń alańy 1 240 sharshy metr, uzyndyǵy 20 metr. Japonııa jáne Ońtústik Koreıa pavılondaryna jaqyn ornalasqan. Ekspozıtsııasy segiz aımaqtan turady: «Bilim baǵy», «4D kınoteatr», «Interaktıvti oıyn-saýyq», «Astana qalasy», «Mádenı minber» jáne t.b.
2012 jyly taekvondodan jattyqtyrýshy tarazdyq Rýslan Ismazov «Ordabasy» atty jańa komandalyq oıynyn patenttedi. Bul oıynda tórt adamnan quralǵan eki komanda shyǵys jekpe-jeginen saıysqa túsip, jalaýdy ıelenýge talasady.
2013 jyly Ábý-Dabıdegi «ADNEC» kórme ortalyǵynda alǵash ret qazaqstandyq kitaptar usynyldy.
2013 jyly almatylyq Olga Korenchýktiń «Doroga nomadov» atty týyndysy jyl saıynǵy «Aýstrııalyq fotosýrettik sýperkrýızde» «Arnaıy taqyryptar» bólimi boıynsha altyn medal ıelendi.
2013 jyly Astanadaǵy «Respýblıkalyq neırohırýrgııa ǵylymı ortalyǵy» AQ Joint Commission International (JCI) halyqaralyq birlesken komıssııasy quramyna kirdi.
2014 jyly Majarstannyń Sekeshfehervar qalasyndaǵy ıAnosh Kodolanı astyndaǵy Qoldanbaly ǵylymdar ýnıversıtetinde «Qazaqstan joly jáne N.A.Nazarbaev» kafedrasy ashyldy.
2014 jyly Astana ýaqyty boıynsha 7 saǵat 35 mınýtta Kýrý ǵarysh aılaǵynan eýropalyq «Vega» zymyrany ushyryldy. Ol orbıtaǵa Qazaqstannyń Jerdi qashyqtyqtan zondtaý spýtnıgin shyǵardy.
2015 jyly Qazaqstan Respýblıkasy Prezıdenti janynan ınstıtýtsıonaldyq reformalardy júzege asyrý maqsatynda Jańǵyrý jónindegi ulttyq komıssııa quryldy.
2017 jyly qazaqstandyq aýyr atlet Albert Lınder Ashhabadta ótken Azııa chempıonatynda jeńimpaz atandy. Ol 69 kelige deıingi salmaq dárejesinde Azııa chempıonatynyń altyn medalin jeńip aldy. Qossaıys qorytyndysy boıynsha Lınder 335 kelini kóterdi.
2017 jyly repressııa jyldarynda qýǵynǵa ushyraǵan aqyn jáne dramatýrg Іlııas Jansúgirovtiń qujattary aqynnyń Taldyqorǵandaǵy ádebı-memorıaldyq mýzeıine berildi.
2018 jyly qazaqstandyq oqýshy Dinmuhammed Tólendıev 7 jasqa deıingi sanatta shahmattan álem chempıony atandy.
2018 jyly ıÝNESKO-nyń Parıjdegi shtab-páterinde ótken «Egoızm men mádenı qundylyqtardyń qaıta órleýi: túrki tili ótkennen bolashaqqa deıin» halyqaralyq forýmy aıasynda tanymal qazaqtyń uly aqyny Maǵjan Jumabaev týraly kitap jaryqqa shyqty.
2018 jyly aqmolalyq aǵaly-sińlili Ámir men Sofııa Mahmetter Qazaqstan quramasy sapyndabrazılııalyq djıý-djıtsýdan «ABU DHABI WORLD PROFESSIONAL JIU-JITSU CHAMPIONSHIP 2018» bedeldi týrnırinde jeńimpaz atandy.