30 naýryz. Týǵan kún ıeleri

NUR-SULTAN. QazAqparat - Búgin, ıaǵnı 30 naýryzda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

79 jyl buryn (1940-2015) zań ǵylymdarynyń doktory, professor, Qazaqstan Respýblıkasynyń qurmetti sýdıasy Maqsut Sultanuly NÁRІKBAEV dúnıege keldi.

Almaty oblysynda týǵan. S.M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

Ádilet mınıstrliginde jáne respýblıka prokýratýrasynda jumys istegen. 1992-1993 jyldary Prezıdent apparatynda jáne Qazaqstan Respýblıkasynyń Mınıstrler kabınetinde qyzmet etti. 1995-1996 jyldary Qazaqstan Respýblıkasynyń Bas prokýrory. 1996-2000 jyldary Qazaqstan Respýblıkasy Joǵarǵy sotynyń tóraǵasy. 2000 jyldan - «Qazaq gýmanıtarlyq zań ýnıversıteti» AQ prezıdenti. 2004 jyldan Jalpy qoǵamdyq «Qazaqstannyń demokratııalyq partııasynyń» tóraǵasy.

2-shi dárejeli Memlekettik zań keńesshisi, joǵary dárejedegi sýdıa. Jetkinshek jáne zań, balalyqty zańmen qorǵaý, azamattyq quqyqty sotta qorǵaý, Qazaqstan Respýblıkasynyń qylmystyq zańy taqyryptaryna jazylǵan kitaptardyń jáne 50-den astam ǵylymı maqalanyń avtory. Kórkem ádebıetpen aınalysqan. «Nemis jazýshylarynyń povesteri» jınaǵyna 2 aýdarmasy engen. «Tergeýshi» povesi jáne «Jetisý - jeruıyǵym» ániniń avtory.

«Parasat», ІІ dárejeli «Barys» ordenderimen, «Astanaǵa 10 jyl» medalimen marapattalǵan. Eýropalyq Bıznes qaýymdastyǵynyń «Sokrat» halyqaralyq marapatynyń ıegeri.

68 jyl buryn (1951) «Bal-ara» Qazaqstan ulttyq omartashylary odaǵynyń prezıdenti Sergeı Aleksandrovıch TEREŞENKO dúnıege keldi.

Reseı Federatsııasynyń Prımorsk óńirinde týǵan. Qazaq aýyl sharýashylyǵy ınstıtýtyn, Almaty joǵary partııa mektebin bitirgen. 1989-1990 jyldary - Qazaq KSR Mınıstrler Keńesi tóraǵasynyń orynbasary, Qazaq KSR Joǵarǵy Keńesi tóraǵasynyń birinshi orynbasary, Qazaq KSR Prezıdentiniń orynbasary, Qazaq KSR Prezıdenti Keńsesiniń jetekshisi, Qazaq KSR Prezıdenttik keńesiniń múshesi. 1990-1991 jyldary - Shymkent oblystyq partııa komıtetiniń birinshi hatshysy, Shymkent oblystyq keńesiniń tóraǵasy. 1991-1994 jyldary - Qazaqstan Respýblıkasynyń Premer-Mınıstri. 1992-1993 jyldary - sonymen qatar Qazaqstan Respýblıkasynyń Shetel ınvestıtsııasy jónindegi ulttyq agenttiktiń tóraǵasy. 1993-1994 jyldary - Ulttyq valıýta engizý jónindegi ulttyq komısııanyń tóraǵasy qyzmetterin atqarǵan. 1994 jyldan - Halyqaralyq «Integratsııa» qory basqarmasynyń tóraǵasy. 1998-2008 jyldary - «TsentrKredıt banki» AQ, «Transaero» ÁK» AAQ, «Indýstrıalnyı bank Kazahstana» AAQ, «Báıterek» BK AQ, «Vita» AQ-nyń dırektorlar keńesiniń múshesi. 2004 jyldan - Qazaqstan Respýblıkasynyń Saqtandyrý naryǵyna qatysýshylar qaýymdastyǵynyń prezıdenti. 1999 jyldan - «Otan» partııasy saıası keńesiniń múshesi. 1998-1999 jyldary - «Qazaqstan Respýblıkasy Prezıdenti N.Á.Nazarbaevtyń kandıdatýrasyn qoldaý jónindegi qoǵamdyq shtab» Qoǵamdyq Uıymynyń tóraǵasy. 1999-2002 jyldary - «Otan» partııasy tóraǵasynyń mindetin atqarýshy. 2002-2006 jyldary - Qazaqstan Halyqtary assambleıasy tóraǵasynyń orynbasary qyzmetterin atqarǵan. 2004 jyldan - Qazaqstandaǵy slavıan, orys jáne kazaktar qaýymdastyǵynyń tóraǵasy. 2008 jyldan - «Nur Otan» HDP janyndaǵy «Abyroı» qoǵamdyq-keńes berý keńesiniń tóraǵasy.

Qazaqstan Respýblıkasy Joǵarǵy Keńesiniń 11-12-shi shaqyrylymynyń depýtaty.

2-shi dárejeli «Barys», 1-shi dárejeli «Dostyq», «Drýjba» (RF) ordenderimen, medaldarmen marapattalǵan, Prezıdent syılyǵynyń laýreaty, Ońtústik Qazaqstan oblysynyń qurmetti azamaty.

59 jyl buryn (1960) «Astana Bas jospary ǵylymı-zertteý jobalaý ınstıtýty» JShS dırektory Sársembek Endibaıuly JÚNІSOV dúnıege keldi.

Taldyqorǵan oblysynda týǵan. Almaty sáýlet jáne qurylys ınstıtýtyn bitirgen (1982).

Eńbek joly: 1982 jyldan bastap - «Almaty gıprogor» memlekettik konstrýktorlyq ınstıtýtynyń sáýletshisi, aǵa sáýletshisi, jetekshi arhıtektory, basshysy; 1988 jyldan bastap - «Almaty bas jospary» memlekettik jobalaý ınstıtýtynyń top jetekshisi, jobalardyń bas sáýletshisi, Almaty qalasy bas josparynyń mamandandyrylǵan tsehynyń basshysy; 1994 jyldan bastap - Almaty qalasynyń sáýlet jáne qala qurylysy basqarmasynyń bastyǵy; 1996 jyldan bastap Aqmola qalasynyń bas josparyn jasaý boıynsha «Aqorda» jobalaý-qurylys kompanııasynyń tseh basshysy; 1997 jyldan bastap «Astana qalasynyń sáýlet jáne qala qurylysy departamenti» memlekettik mekemesiniń bas sáýletshi orynbasarynyń mindetin atqarýshy; 2000 jyldan bastap - «Astanabasjospar» Memlekettik kásiporny dırektorynyń orynbasary - bas sáýletshisi; 2006 jyldan bastap - «Bas jospar.KZ» JShS dırektory; 2007 jyldan bastap - «Astanabasjospar» Memlekettik kásipornynyń bas sáýletshisi - bas dırektordyń orynbasary; Astana qalasynyń Sáýlet jáne qala qurylysy basqarmasynyń bastyǵy, Qazaqstan Respýblıkasy Prezıdentiniń janyndaǵy Astana sáýlet keńesiniń hatshysy.

Qazirgi laýazymyn 2015 jylǵy naýryz aıynan beri atqaryp keledi.

«Qurmet» ordenimen (2011), «Eren eńbegi úshin» (2005) medalimen marapattalǵan, «Astanaǵa 10 jyl» (2008), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Táýelsizdigine 10 jyl» (2001) medaldarymen marapattalǵan.

49 jyl buryn (1970-2015) memleket qaıratkeri Nurlan Jambyluly QAPPAROV dúnıege keldi.

Almaty qalasynda týǵan. Qazaq memlekettik ýnıversıtetin, Almaty tehnologııalyq ınstıtýtyn jáne Garvard ýnıversıtetiniń Dj. Kennedı atyndaǵy Joǵarǵy memlekettik basqarý mektebin bitirgen.

1991-1997 jyldary - «Aktsept» Korporatsııasy JAQ prezıdenti; 1997-1998 jyldary - «QazTransOıl» JAQ prezıdenti; 1998-1999 jyldary - «Qazaqoıl» JAQ prezıdenti; 1999-2001 jyldary - QR Energetıka jáne mıneraldyq resýrstar vıtse-mınıstri; 2003-2007 jyldary - «Qazınvestbank» AQ Dırektorlar keńesiniń tóraǵasy; 2004-2012 jyldary - «Lancaster Group Kazakhstan» AQ Dırektorlar keńesiniń tóraǵasy; 2012 - 2013 jyldary - QR Qorshaǵan ortany qorǵaý mınıstri, 2013-2014 jyldary - Qorshaǵan orta jáne sý resýrstary mınıstri, 2014 -2015 jyldary - «Qazatomónerkásip» aktsıonerlik qoǵamynyń prezıdenti.

2015 jylǵy 26 naýryzda qaıtys boldy.

34 jyl buryn (1985)Respýblıkalyq densaýlyq saqtaýdy damytý ortalyǵynyń bas dırektory Aınur Toqsanqyzy AIYPHANOVA dúnıege keldi.

Indıana Ýnıversıtetin, bakalavrıat jáne magıstratýra boıynsha bitirdi (AQSh), densaýlyq saqtaý, densaýlyq saqtaýdy basqarý; «Bolashaq» Prezıdenttik baǵdarlamasynyń túlegi. AQSh, Germanııa, Ispanııa, Ulybrıtanııa, Italııa, Avstrııa, Chehııa elderinde biliktiligin arttyrý boıynsha bilim aldy.

Eńbek joly: Densaýlyq saqtaý saıasaty ınstıtýtynda kishi ǵylymı qyzmetker, sonymen qatar, Sankt-Peterbýrg qalasynyń aýrýhana kesheniniń ákimshiliginde tájirıbe. Indıana Vınsent Densaýlyq saqtaý júıesi (2009-2010); «Ulttyq medıtsınalyq holdıng» AQ sapa menedjeri (2010-2011); «Ana men bala Ulttyq ǵylymı medıtsınalyq ortalyǵynda» naýqastardyń sapasy men qaýipsizdigi basqarmasynyń bastyǵy; «Ulttyq medıtsınalyq holdıng» AQ Basqarma Tóraǵasynyń sapa jónindegi keńesshisi (2011-2012); «Respýblıkalyq neırohırýrgııa ǵylymı ortalyǵy» AQ medıtsınalyq dırektorynyń orynbasary (2012-2016); halyqaralyq akkredıtteý jónindegi halyqaralyq konsýltant, JCI jobasynyń Qazaqstandaǵy, Ázerbaıjan, Birikken Arab Ámirlikteriniń halyqaralyq akkredıttelgen klınıkalarynyń menedjeri; Dúnıejúzilik banktiń Qazaqstannyń akkredıtteý júıesindegi jobasy (2013-2016) sheńberinde American Gulf International halyqaralyq konsýltanty; Qazaqstan Respýblıkasy Densaýlyq saqtaý mınıstrliginiń «Densaýlyq saqtaýdy damytý respýblıkalyq ortalyǵy» RMQK bas dırektorynyń mindetin atqarýshy (2016-2017).

2017 jyldan beri qazirgi qyzmetinde.