30 naýryz kúni respýblıkanyń basym bóliginde turaqsyz aýa raıy saqtalady - Qazgıdromet
ASTANA. QazAqparat - Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty ońtústik-shyǵys, shyǵys jáne ortalyq jerlerinde turaqsyz aýa raıy saqtalady, jaýyn-shashyn kútilip, keı jerlerde qatty jaýyn-shashyn jaýady. Keı jerlerde burqasyn, kóktaıǵaq, tuman, jeldiń kúsheıýi kútiledi. Bul týraly Qazgıdometke silteme jasap, QR ІІM Tótenshe jaǵdaılar komıteti habarlady.
Almaty oblysynda keı jerlerinde qatty jaýyn-shashyn, kóktaıǵaq, jel 17-22, ekpini 25 m/s kútiledi. Jambyl oblysynyń keı jerlerinde tuman, kóktaıǵaq, jel 18-23, ekpini 30 m/s joǵary bolady. Ońtústik Qazaqstan oblysynyń keı jerlerinde tuman, kóktaıǵaq, jel 15-20 m/s kútiledi. Qyzylorda, Qostanaı oblystarynyń keı jerlerinde tuman bolady. Mańǵystaý oblysynyń keı jerlerinde jel shańdy daýylmen 17-22, keı jerlerinde ekpini 28 m/s kútiledi. Batys Qazaqstan oblysynyń keı jerlerinde tuman , kúndiz keı jerlerinde jel 15-20 m/s soǵady. Pavlodar oblysynyń keı jerlerinde tuman bolyp, jel 15-20 m/s kúsheıedi. Qaraǵandy oblysynyń keı jerlerinde burqasynmen jel 15-20 m/s kúsheıedi. Shyǵys Qazaqstan oblysynyń keı jerlerinde jel 15-20 m/s soǵyp, joldarda kóktaıǵaq bolady.
