30 naýryz kúngi aýa raıy boljamy
NUR-SULTAN. QazAqparat – 30 naýryz kúni respýblıkanyń basym bóliginde jaýyn-shashynsyz aýa raıy saqtalady. Atmosferalyq fronttardyń ótýine baılanysty tek ońtústik-batysta kúndiz jańbyr jaýýy múmkin. Óńirlerde tuman, ekpindi jel saqtalady, ońtústikte sondaı-aq shańdy daýyl bolady, dep habarlaıdy QazAqparat.
«Qazgıdromet» RMK málimetinshe, Qyzylorda oblysynyń keı jerlerinde shańdy daýyl kútiledi, 15-20 m/s jeldiń ekpini 23 m/s kúsheıedi.
Shyǵys Qazaqstan, Qaraǵandy oblystarynyń keı jerlerinde tuman boljanady. Qaraǵandy oblysynyń kúndiz keı jerlerinde jel 18 m/s artady.
Jambyl, Túrkistan, Mańǵystaý, Atyraý oblystarynyń keı jerlerinde jeldiń kúshi 15-20 m/s jetedi.
Almaty oblysynyń Jalańashkól aýdanynda jel 15-20 m/s kúsheıedi.
Kúndiz Aqtóbe oblysynyń keı jerlerinde 16 m/s ekpinde jel turady.
