30 myńnan astam qazaqstandyq jańa jyldy poıyzda qarsy alǵan
Ótken jyldyń 29 jeltoqsannan bıylǵy jyldyń 3 qańtar aralyǵynda jarty mıllıonnan astam jolaýshy tasymaldandy. Onyń 92 myńy Astanaǵa tıesili.
Al 30 myńnan astam jolaýshy jańa 2017 jyldy poıyzda qarsy alǵan.
Jańa jyl merekelerine oraı ósken tasymaldaý qyzmetin qamtamasyz etý úshin qosymsha poıyzdar qosyldy.
«QTJ» AQ ótkizý protsesimen aınalysatyn barlyq bólimsheler jańa jyldyq merekeler kezinde erekshe tártiptememen jumys istedi. Poıyzdardyń tolassyz qozǵalysyn qamtamasyz etý úshin jetekshi quram kezeksheligi uıymdastyryldy. Barlyq temirjol toraptarynda qaýipsizdikti kúsheıtý aıasynda qosymsha sharalar qabyldandy.
Júk tasymaldaý men magıstraldik jeli jetekshileri mereke kúnderi stantsııalardaǵy qozǵalys qaýipsizdigin tekserdi.
Sonymen qatar jolshylarda aýa raıynyń qolaısyzdyǵyna qaramastan poıyzdardyń ótkizilimin qadaǵalap, kúsheıtilgen tártiptemede qyzmet atqardy. Boran, kóktaıǵaq pen tumanǵa baılanysty sol kúnderi tórt kólik jolarnalary jabylǵan.
Ótken alty kún ishinde 29 jeltoqsannan 3 qańtarǵa deıin 18 myń shaqyrym qar temir joldarynan tazartyldy. 120 myń tekshe metr qar jınap alyndy.
