30 myńǵa jýyq elordalyq kommýnaldyq senbilikke qatysty
ASTANA. QazAqparat - Astanada kommýnaldyq senbilikke 30 myńǵa jýyq qalalyq qatysty. Uzyn-sany 17 myń aǵash ákteldi, 2,5 myńnan astam kóshet pen myńǵa jýyq buta aǵashy otyrǵyzyldy, dep habarlaıdy elorda ákimdiginiń resmı saıty.
Astanada kóshet otyrǵyzýdan, aǵashtardy ákteýden, ózderine bekitilgen terrıtorııany tazartý, saıabaq pen gúlzarlardy jınaý, qoqystardyń kózin joıý, obektilerdiń syrtqy jelilerin jóndeý-qaıta qalpyna keltirý jumystary boıynsha aýqymdy jalpyqalalyq senbilik ótti.
Ekologııalyq is-sharaǵa 28 myń qalalyq, 1045 kásiporyn men uıym, mekeme qatysty. Onyń ishinde, Almaty aýdanynan - 1890 adam jáne 65 kásiporyn, Baıqońyr aýdanynan - 8300 adam, 350 kásiporyn, Esil aýdanynan - 9800 adam men 375 kásiporyn, Saryarqa aýdanynan - 8315 adam jáne 255 kásiporyn qatysty.
Qalalyqtar jalpy 3,9 mln sharshy metr alańdy quraıtyn saıabaq pen gúlzarlardy tazartty. Sondaı-aq qalany tazalaý jumystary ıÝgo-Vostok turǵyn alaby jaqtaǵy Qordaı men Masaty kóshesi, Sh. Aıtmatov, Qosshyǵululy, Almaty jáne Botanıka baǵynyń terrıtorııasynda da júrgizildi. Búgin qalalyqtar 17 myń aǵashty áktep, 2 707 kóshet (qyzyl tal, tatar úıeńkisi, qaraǵaı, shyrsha, qaıyń, emen, terek, sheten, pıramıdalnyı) jáne 1100 buta aǵashyn otyrǵyzdy.
Senbilikke 103 júk tıegish kólik pen 185 júk kóligi, 288 avtomashına men basqa da arnaıy tehnıkalar jumyldyryldy. Atap aıtqanda, Almaty aýdanynda 73 arnaıy mamandandyrylǵan tehnıka, Baıqońyr aýdany - 45, Esil aýdany - 96 jáne Saryarqa aýdanynda - 76 mamandandyrylǵan tehnıka iske qosyldy. Senbilik kezinde polıgonǵa 880,18 tonna qaldyqty kómýge shyǵaryldy, 144 reıs jasaldy.
