30 myń teńge para alyp, 1,5 mln teńge aıyppul tóleıtin boldy
ORAL. QazAqparat - Syrym aýdandyq sotynyń úkimimen aýdandyq ishki ister bóliminiń ınspektory QR QK 366-baby 1-bóligine sáıkes aıypty dep tanyldy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, polıtsııa qyzmetkeri 30 myń teńge kóleminde para alǵan.
Prokýror men sottalýshy arasynda kináni moıyndaý týraly protsestik kelisim jasalýyna baılanysty qylmystyq is kelisimdik is júrgizý óndirisi tártibinde qaraldy.
Sot úkimimen aıypty dep tanylǵan sottalýshyǵa paranyń elý eselengen mólsherinde, ıaǵnı 1,5 mln teńge aıyppul salyndy. Sonymen birge ol ómir boıyna memlekettik qyzmetke turý quqyǵynan jáne polıtsııa kapıtany sheninen aıyryldy.
Sot úkimi zańdy kúshine engen joq.
Eske sala keteıik, budan buryn Oralda úsh birdeı polıtsııa qyzmetkeriniń árqaısysyna 17,5 mln teńgeden aıyppul salynǵanyn jazǵan bolatynbyz.
