30 myń kisini qamtıtyn onlaın-festıval ótedi
ASTANA. QazAqparat - Reseı musylman jastary odaǵynyń bastamasymen álemde alǵash ret musylmandardyń onlaın-festıvali ótpek, dep habarlady www.muslim.kz saıty.
30 myńǵa jýyq adamnyń basyn qosatyn aýqymdy shara 1- 15 tamyz aralyǵyna josparlanýda. Jıyn barysynda álemniń túkpir-túpkirinen arnaıy shaqyrtylǵan 30 shaqty spıker festıval qatysýshylaryna onlaın rejıminde qyzmet etetin bolady.
"Sharanyń maqsaty - álemdegi jetekshi musylman qaıratkerleriniń baıandamalary arqyly halyqty aqparattandyrý. Festıvalǵa Sırııa, Avstralııa, BAÁ jáne basqa da elderdiń ókilderi qatysady" dep habarlaıdy Reseı musylman jastary odaǵynyń prezıdenti Marsel Sabırov.
Islam jaıly bilgisi keletin kez-kelgen din ókiline festıvaldiń esigi aıqara ashyq. "Biz arnaıy dinı bilimi joq adamdardyń ıslam jaıly bazalyq kózqarasy qalyptassa deımiz", - degen uıymdastyrýshylar onlaın-festıvalǵa qatysýshylardy http://online-islam.ru saıtyna tirkelýge shaqyrady.
Bul festıvaldiń burynǵylardan artyqshylyǵy - álemniń 15 tilinde onlaın rejıminde ótýi, qarjynyń az jumsalýy. Sonymen birge, barlyq baıandamalardyń ǵalamtor betinde saqtalýy da jıynnyń artyqshylyqtaryna jatady.
