30 mln teńgeni jymqyrǵan qostanaılyq alaıaq Tarazda ustaldy
QOSTANAI. QazAqparat - 30 mln teńgege alaıaqtyq jasaǵan Qostanaı turǵyny Tarazda ustaldy, dep habarlaıdy Jambyl oblystyq Іshki ister departamentiniń baspasóz qyzmeti.
Baspasóz málimetterine qaraǵanda, krımınaldyq polıtsııa qyzmetkerleri Jandos Kenjebekov pen Nurlan Temirbaev Qostanaı obylysynyń ortalyǵynda 7 qymys jasaǵan alaıaqty qolǵa túsirdi. Alıaqtyq árekettiń saldarynan kelgen shyǵyn 30 mıllıonnan astam teńgeni qurady.
Tártip saqshylarynyń sózinshe, kúdiktini izdeý bir jarym aıǵa sozyldy, jedel ýákilder kúdiktiniń izimen júrip otyryp, Qazaqstan aýmaǵynyń jartysynan astamynan ótken.
«Іzdeýde júrgen adam týraly málimetterdi Astana, Shymkent qalalaryndaǵy áriptesterimizden bilip otyrdyq. Alaıda ol Taraz qalasy poltsııasynyń kómegimen osy shaharda ustaldy»,-dedi polıtsııa kapıtany Kenjebekov.
Kúdiktini izdeýdi polıtsııa qyzmetkerleri áýelde probatsııalyq baqylaýdan shyǵý faktisi boıynsha bastaǵan. Shartty túrde bas bostandyǵynan aıyrylǵan er azamat emdelemin degen syltaýmen Astanaǵa ketken jáne onda probatsııa qyzmetiniń esebine tirkelmegen. Keıin onyń saparǵa shyqqanǵa deıin Qostanaıda 7 qylmys jasaǵany anyqtaldy. Olardyń barlyǵy qıturqy jolmen kólik satýmen baılanysty boldy.
Osy kezde 36 jasar kúdikti birneshe márte alaıaqtyq jasaý faktisi boıynsha Qostanaıdyń tergeý ızolıatoryna qamaldy. Polıtsııa qyzmetkerleri onyń osy tektes ózge de qylmystarǵa qatystylyǵyn tekserýde.
