30 mln teńgeden asatyn qolma-qol aqshany saqtaýǵa tyıym salynbaǵan - MKK

ASTANA. QazAqparat - QR Memlekettik kirister komıteti 30 mln teńgeden asatyn qolma-qol aqshany saqtaýǵa tyıym bar-joǵyna qatysty túsinik berdi, dep habarlaıdy QazAqparat.

«Jalpyǵa birdeı deklaratsııalaýdyń ekinshi kezeńinde 2023 jylǵy 1 qańtardan bastap aktıvter men mindettemeler týraly deklaratsııany (250.00-nysan) kvazımemlekettik sektordyń, memlekettik mekemelerdiń qyzmetkerleri jáne olardyń jubaılary tapsyrýǵa tıis.
Aktıvter men mindettemeler týraly deklaratsııada aılyq eseptik kórsetkish (AEK) mólsheriniń 10 000 eselengen mólsherinen aspaıtyn qolma-qol aqsha kórsetilýi tıis.
Bul rette, zańnamada 10 000 AEK-ten astam qolma-qol aqshany saqtaýǵa tyıym salynbaǵan» delingen habarlamada.
Osyǵan baılanysty jeke tulǵalar aqshany qolma-qol nemese qolma-qol aqshasyz nysanda saqtaý máselelerin, sondaı-aq olardyń somasyn ózderi sheshýge quqyly.