30 mln teńge jymqyrǵan qazaqstandyq Ýkraınadan ekstradıtsııalandy

ASTANA. QazAqparat - 30 mln teńge jymqyrdy dep aıyptalǵan qazaqstandyq Ýkraınadan ekstradıtsııalandy, dep habarlaıdy QazAqparat QR Bas prokýratýrasyna silteme jasap.

«Búgin Qazaqstannyń Bas prokýratýrasy men ІІM Interpol qyzmetkerleriniń birlesken jumysy nátıjesinde, qylmystyq jaýapkershilikke tartý maqsatynda Ýkraınadan Maksım Korobko ekstradıtsııalandy.

Korobko Aqtóbe qalasynda asa iri mólsherde alaıaqtyq jasaǵany úshin kúdiktelgen. Ol 2013 jyly «Globýs» JShS-nan jáne V.N. Boltenko degen azamattan lıft jabdyqtaryn jetkizip, ornatamyn degen jeleýmen 30 mln teńgeden astam qarajat alǵan. Alaıda mindettemesin tıisti ýaqytta oryndamaǵan», - delingen qadaǵalaý organynyń Feısbýktegi paraqshasynda . 
Ol qylmys jasaǵannan keıin qylmystyq qýdalaý organynan boı tasalaǵan, osyǵan baılanysty halyqaralyq izdeýge jarııalandy.
Qazirgi ýaqytta Maksım Korobko Astana qalasynyń tergeý ızolıatoryna qamaldy.