30 myńnan astam adam ashyq aspan astynda Olımpıadanyń ashylý saltanatyn tamashalady
ASTANA. KAZINFORM – Búgin Parıjde 2024 jylǵy XXXIII jazǵy Olımpıada oıyndarynyń ashylýyna oraı merekelik is-shara ótti. Qalanyń jeti tusynda 30 myńnan astam adam mańyzdy is-sharany tamashalaý úshin bas qosty, dep jazdy elorda ákimdiginiń resmı saıty.
Іs-sharanyń basty maqsaty – Olımpıada oıyndarynda el atynan qatysatyn qazaqstandyq sportshylarǵa qoldaý bildirý. Olımpıada oıyndarynyń resmı ashylýynyń tikeleı kórsetilimi bastalǵanǵa deıin otandyq estrada juldyzy – Halyqaralyq konkýrstardyń laýreattary Aqtoty Bolshova, Ákimjan Majenov, Zarına Omarova, ILIAS, sondaı-aq kompozıtor, QR eńbek sińirgen qaıratkeri jáne «Qurmet» ordeniniń ıegeri Ulyqpan Joldasovtyń qatysýymen kontserttik baǵdarlama uıymdastyryldy.
«Maǵan osy jerde óner kórsetý týraly usynys túskende qýana kelistim. Ózim sportshylarymyzǵa osylaısha qoldaý kórsetkim keldi. Olımpıadaǵa kóptegen myqty sportshylar attandy. Sondyqtan quramamyzdyń jeńisin shyn júrekten tileımin! Biz, ártister, patrıottyq ánder arqyly olımpıadashylardyń rýhyn kótergimiz keledi. Sportshylarymyzdy qoldaý – árbir qazaqstandyqtyń mindeti dep sanaımyn», – dedi ánshi Zarına Omarova.
Elorda turǵyndary úshin oıyn-saýyq ınteraktıvteri – sporttyq is-sharalar men vıktorınalar uıymdastyryldy. Eń belsendi qatysýshylarǵa syılyqtar tabystaldy.
«Búgin saıabaqty aralap júrip, kontsert pen Olımpıada oıyndarynyń kórsetilimine tap boldym. Osyndaı is-sharanyń uıymdastyrylǵanyna óte qýanyshtymyn, óıtkeni Olımpıada – bul mańyzdy is-shara. Ulttyq quramamyzda myqty jáne talantty sportshylarymyz óte kóp», – dedi elorda turǵyny Asqar Aǵzamov.
«Búgin Parıjde jazǵy Olımpıada oıyndary bastalady. Elordadan Olımpıadaǵa 12 sportshy qatysty. Olar jeti sport túrinen 14 lıtsenzııa ıelengen. Eń kóbi – tennısshilerde. Parıjde elimizdi ıÝlııa Pýtıntseva, Aleksandr Býblık, Aleksandr Nedovesov jáne Aleksandr Shevchenko qorǵaıdy. Olımpıada altyny úshin tartys árıne, ońaı emes ekeni anyq. Men ár sportshyny jáne onyń ishki tolqynysyn jaqsy túsinemin. Sebebi ózim Olımpıadaǵa quramamyzdyń sapynda birneshe ret qatysqanmyn», - dedi Astana qalasy Dene shynyqtyrý jáne sport basqarmasynyń basshysy Vasılıı Levıt.
Esterińizge sala keteıik, Olımpıada oıyndarynyń saltanatty ashylýynyń tikeleı efırin elordanyń mynadaı oryndarynda saǵat 22.30-dan bastap kórýge bolady:
- Qazaqstan tennıs federatsııasyna qarama-qarsy ortalyq saıabaq (Beeline Arena);
- Mega Silkway led-ekrany (EKSPO jaǵynan);
- Turan dańǵyly – D.Qonaev kóshesi;
-B. Momyshuly dańǵyly-Táýelsizdik dańǵyly;
- EKSPO aýmaǵyndaǵy ekran;
- Arbat (Jaǵalaý).
