30 myń sharshy metrden astam aýmaqty sharpyǵan Bıg Shanhaıdaǵy órt tolyq sóndirildi

ASTANA. KAZINFORM — Elordadaǵy búgin tańerteń bastalǵan Bıg Shanhaı bazaryndaǵy órt tolyǵymen 30 113 sharshy metr aýmaqta sóndirildi.

TJM dereginshe, azirgi ýaqytta órttiń shyǵý sebebi anyqtalýda.

- Órtti sóndirý jumystary birqatar qıyndyqtarmen kúrdelene tústi. Atap aıtqanda, jalynnyń qarqyndy taralýy, janǵysh materıaldardyń kóp bolýy, qatty tútin men joǵary temperatýra órt sóndirýshilerdiń jumysyna aıtarlyqtaı kedergi keltirdi. Sonymen qatar, saýda pavılondarynyń bir-birine tym jaqyn ornalasýy men órt oshaqtaryna shekteýli qoljetimdilik te jaǵdaıdy qıyndatty, - dep jazdy vedomstvodan.

Degenmen, qutqarýshylardyń úılesimdi jáne jedel áreketteriniń arqasynda órttiń jaqyn mańdaǵy ǵımarattarǵa taralýyna jol berilmedi.

Aıta keteıik, buǵan deıin Bıg Shanhaı bazarynyń órtengeni týraly habar TJD-ǵa kesh berilgeni málim boldy. 

Tilsiz jaýmen kúres barysynda úsh qutqarýshy jaraqat aldy.