30 metrlik hot-dog daıyndap, rekord ornatqan jigit - FOTO
ASTANA. QazAqparat - Amerıkalyq Brett Enraıt hot-dog pisirýden buryn-sońdy bolmaǵan rekordty ornatty. Ol Florıda shtatynda ótken jármeńkede kelýshilerdiń aldynda uzyndyǵy 30 metr, al salmaǵy 56 keli bolatyn hot-dog pisirdi.
Bul ázirge álemdegi eń úlken hot-dog bolyp otyr. Aıta keterligi, ol buǵan deıin jer betindegi eń úlken gambýrgerdi daıyndaǵan aspazshy retinde Gınnes rekordtar kitabyna engen bolatyn. Osy joly ol alyp hot-dogty daıyndap, rekordyn jańartýǵa bel baılaǵan eken.
Alyp nan men shujyqty daıyndaýǵa úsh saǵattan astam ýaqyt jumsaǵan. Aspazshy eń úlken hot-dogty daıyndaý úshin 40 metrlik grıldi paıdalanypty. Qazir arnaıy komıssııa Brett Enraıttyń «tiskebasaryn» ólshep, sheshim qabyldaý úshin aqparatty Gınnes redordtar kitabynyń ókilderine joldady, dep jazady Day.Az.
