30 mamyrǵa arnalǵan aýa raıy boljamy
ASTANA. 29 mamyr. QazAqparat - Qazaqstannyń basym bóliginde antıtsıklon yqpalymen jaýyn-shashynsyz aýa raıy kútilýde. Bul týraly Qazgıdrometke silteme jasap, QR TJM baspasóz qyzmeti habarlaıdy.
Respýblıkanyń batys jáne soltústik-batys bóliginde ǵana atmosferalyq aǵyndar yqpalymen aýa raıy turaqsyz sıpat alady, ótkinshi jańbyr jaýyp, naızaǵaı jarqyldaıdy, jel kúsheıedi, keı jerlerde shań kóterilip, daýyl turady.
Qyzylorda, Atyraý oblystarynda, kúndiz Batys Qazaqstan oblysynda keı jerlerde 15-20 m/s jel soǵady dep kútilýde, shań kóterilip, daýyl turady.
Mańǵystaý oblysynda, kúndiz Qostanaı, Aqtóbe oblysynda keı jerlerde 15-20 m/s deıin jel kúsheıedi.
Respýblıkanyń batysy jáne ońtústiginde tótenshe joǵary órt qaýpi saqtalady.
