30 mamyrda el aýmaǵynyń basym bóliginde jel kúsheıip, jańbyr jaýady
NUR-SULTAN. QazAqparat - 30 mamyrda el aýmaǵynyń basym bóliginde joǵary qysym aýmaǵynyń áserinen kún ashyq bolady, tek atmosferalyq aǵyndardyń ótýine baılanysty ońtústik-batys, ortalyq jáne soltústik óńirlerinde aýa raıy qubylmaly bolady, jańbyr jaýady, dep habarlaıdy Qazgıdromet.
Respýblıkanyń keı aımaqtarynda naızaǵaı jarqyldap, tuman túsedi. Jel kúsheıip, burshaq jaýýy, ońtústikte shańdy daýyl kóterilýi yqtımal.
Pavlodar oblysynda jel 15-20 m/s, kúndiz keı jerlerde daýyl, burshaq kútiledi. Mańǵystaý oblysynda keı jerlerde burshaq jaýýy múmkin, kúndiz keı jerlerinde jeldiń jyldamdyǵy 15-20 m/s jetedi.
Soltústik Qazaqstan oblysynda keı jerlerde jel 15-20 m/s kúsheıedi, túnde keı jerlerde tuman túsip, daýyl turýy múmkin. Jambyl, Aqmola, Qaraǵandy oblystarynda, kúndiz Qyzylorda, Túrkistan oblystarynyń keı jerlerinde jel 15-20 m/s kúsheıedi. Qostanaı oblysynda keı jerlerde tuman túsedi. Kúndiz Shyǵys Qazaqstan oblysynyń keı jerlerinde daýyl turyp, jel 15-20 m/s kúsheıedi, burshaq jaýýy múmkin.
Aqtóbe, Qaraǵandy, Qostanaı, Qyzylorda, Túrkistan, Jambyl oblystarynyń keı jerlerinde joǵary órt qaýpi saqtalady.
