30 mamyr kúnine aýa raıy boljamy

ASTANA. QazAqparat – Atmosferalyq frontaldy bólikterdiń ótýimen Qazaqstan aýmaǵynyń basym bóliginde jańbyr jaýyp, naızaǵaı oınaıdy. Eldiń tek soltústik-batysynda, ońtústik jartysynda jaýyn-shashynsyz kún raıy kútiledi. Respýblıka boıynsha ekpindi jel saqtalady, batysta jáne ońtústikte shańdy daýyl soǵady. QazAqparat bul týraly Qazgıdrometke silteme jasap habarlaıdy.

Atyraý oblysynyń basym bóliginde, Mańǵystaý, Aqtóbe oblystarynyń ońtústiginde, Qostanaı oblysynyń ortalyǵynda, ońtústiginde, Batys Qazaqstan oblystarynyń ońtústik-shyǵysynda qatty ystyq boljanady.

Qostanaı, Qyzylorda oblystarynyń basym bóliginde, Pavlodar oblysynyń ortalyǵy men shyǵysynda, Atyraý, Qaraǵandy oblystarynyń shyǵysynda, Ulytaý oblysynyń ortalyǵynda, Aqtóbe oblysynyń ońtústik-batysynda, Abaı oblysynyń soltústiginde tótenshe órt qaýpi saqtalady.