30 qyrkúıekte jel kúsheıip, úsh óńirde úsik júredi
NUR-SULTAN. QazAqparat - Sınoptıkter 30 qyrkúıekte el aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan aýmaǵynyń basym bóliginde jaýyn-shashynsyz aýa raıy saqtalady, kún ashyq bolady.
Tek respýblıkanyń soltústiginde jáne shyǵysynda atmosferalyq fronttardyń áserinen jańbyr jaýady. Respýblıkanyń keı jerlerinde tuman túsedi, jel kúsheıip, ońtústikte shańdy daýyl turady.
Qostanaı, túnde jáne tańerteń Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman túsedi, Qaraǵandy, Shyǵys Qazaqstan oblystarynyń keı jerlerinde jel ekpini 15-20 m/s jetedi.
Jambyl oblysynyń keı jerlerinde tuman, shańdy daýyl, jel qarqyny - 15-23 m/s.
Qyzylorda oblysynyń keı jerlerinde jel soǵady, jel jyldamdyǵy 15-23 m/s deıin kúsheıedi. Kúndiz shańdy daýyl soǵady.
Túrkistan oblysynyń keı jerlerinde jel ekpini - 15-20 m/s.
Jambyl, Almaty, Qaraǵandy oblystarynyń keı jerlerinde túnde jáne tańerteń 1-3 gradýs úsik júredi.
Qyzylorda, Túrkistan, Jambyl oblystarynyń basym bóliginde, Qaraǵandy, Aqtóbe oblystarynyń keı jerlerinde tótenshe órt qaýpi saqtalady.
