30 qyrkúıekte Palestına týy BUU-da kóteriledi
ASTANA. QazAqparat - 30 qyrkúıekte Birikken Ulttar Uıymynyń Bas Assambleıasy minbesinen Palestına prezıdenti Mahmud Abbas sóz sóıleıtin kúni BUU-nyń shtab-páterinde Palestına týy jelbireıdi. Bul týraly jýrnalısterge Palestına memleketiniń BUU janyndaǵy turaqty ókili Rııad Mansur málimdedi, dep habarlady TASS.
Onyń aıtýynsha, eki týtuǵyr - Palestına men Qasıetti Taq úshin qazirdiń ózinde BUU kesheni aýmaǵyndaǵy Dag Hammarsheld atyndaǵy kitaphana ǵımaratynyń janynda ornatylǵan.
BUU Bas Assambleıasy 10 qyrkúıekte Nıý-Iorktegi Ulttar Uıymynyń shtab-páteri aýmaǵynda búkilálemdik uıym baıqaýshy memleketteriniń týyn kóterý jóninde qarar qabyldaǵan bolatyn. Qazir Palestına men Vatıkan osyndaı mártebeny ıelengen.
Degenmen, Palestınanyń BUU turaqty múshesi bolýy áli tumandy bolyp tur. Ol úshin Qaýipsizdik keńesiniń usynbasyn alýy tıis. Qazirgi kezde Izraıldiń basty odaqtasy bolyp otyrǵan jáne Qaýipsizdik keńesiniń kez kelgen sheshimine tosqaýyl qoıý quqyǵyna ıe AQSh-tyń ustanymynan ázirge oǵan qol jetkizý múmkin bolmaı otyr.
