30 qyrkúıekte elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 30 qyrkúıek kúni elordada ótetin mańyzdy sharalar ańdatpasyn usynady.
NUR-SULTAN
10.00-de QR Parlamenti Májilisiniń jalpy otyrysy bastalady.
10.00-de Senattyń kezekti otyrysy ótedi. Senat otyrysy palatanyń www.parlam.kz saıtynda onlaın kórsetiledi.
12.30-da QR Prezıdenti janyndaǵy jrtalyq kommýnıkatsııalar qyzmetinde «Jalpyǵa birdeı deklaratsııalaýdyń birinshi kezeńiniń nátıjeleri» týraly baspasóz máslıhaty ótedi.
Spıkerler: QR QM memlekettik kirister komıteti tóraǵasynyń orynbasary Jaıdar Іńkárbaev; QR QM Memlekettik kirister komıteti jalpyǵa birdeı deklaratsııalaý basqarmasynyń basshysy Dına Qusaıynova.
Kórsetilim siltemeleri: Youtube jáne Facebook
13.00-de Syrtqy ister mınıstrliginde onlaın formatta «Ekologııa jáne jasyl ósý salasyndaǵy yntymaqtastyq» taqyrybynda Qazaqstan men Reseıdiń XVII aımaqaralyq yntymaqtastyq forýmy ótedi.
15.00-de QR Úkimetiniń baspasóz ortalyǵynda Memleket basshysy Q. Toqaevtyń «Halyq birligi jáne júıeli reformalar – el órkendeýiniń berik negizi» atty Joldaýyn iske asyrý sharalary týraly brıfıng ótedi.
Spıkerler: QR Premer-Mınıstriniń orynbasary R. Sklıar; QR aýyl sharýashylyǵy mınıstri E. Qarashókeev; QR ındýstrııa jáne ınfraqurylymdyq damý mınıstri B. Atamqulov; QR energetıka mınıstri M. Myrzaǵalıev.
15.00-de Elbasy kitaphanasynyń jańa mýzeıinde qazaqtyń uly aqyny Abaı murasyn dáripteý maqsatynda áleýmettik jelilerde jarııalanǵan «V Abaı oqýlary» ádebıet saıysynyń jeńimpazdary marapattalady.
15.00-de L. N. Gýmılev atyndaǵy Eýrazııa ulttyq ýnıversıtetiniń basqarma tóraǵasy-rektory Erlan Sydyqov halyqpen, onyń ishinde ata-analar, oqýshylar, jumys berýshiler, ǵylymı-pedagogıkalyq qoǵamdastyq pen buqaralyq aqparat quraldarynyń ókilderimen bilim, ǵylymı-zertteý jáne tárbıe qyzmeti máseleleri boıynsha jyl saıynǵy esep berý kezdesýi ótedi.
Onlaın qosylý úshin silteme: Youtube
19.30-da «Qazaqstan» ortalyq kontsert zalynda «Astana Musical» memlekettik teatry óziniń VI maýsymyn ashyq dep jarııalaıdy.
Ustazdar kúnine oraı teatrdyń jańa maýsymy «ENT» dramasynan bastaý alady.
Qoıylymnyń basty qonaqtary – elordalyq ustazdar.
