30 qyrkúıekte elimizde bolatyn mańyzdy sharalar ańdatpasy
09.00-de Úkimet úıinde Úkimet otyrysy ótedi. Kún tártibinde epıdemıologııalyq jaǵdaı, jylytý maýsymyna ázirlik, ınternetke keńjolaqty qoljetimdilikti qamtamasyz etý máseleleri qaralady. Úkimet otyrysy PrimeMinister.kz saıtynda jáne áleýmettik jelidegi akkaýnttarda onlaın rejımde kórsetiledi.
10.00-de QR Parlamenti Májilisiniń jalpy otyrysy ótedi.
11.00-de «QazAvtoJol» ulttyq kompanııasy «Qaraǵandy-Balqash» jobasy boıynsha bir kúndik press-týr ótkizedi. Júretin baǵyt: Nur-Sultan - Qaraǵandy - Nur-Sultan.
11.00-de EKSPO aýmaǵy, oıyn alańy qasynda Qazaqstandaǵy Eýropalyq Odaq ókildigi uıymdastyrǵan jáne Nur-Sultan qalasy ákimdiginiń qoldaýymen ótetin aǵash otyrǵyzý is-sharasy bolady. Іs-shara Eýroodaqtyń klımat dıplomatııasy jáne #EU4GreenKZ naýqany aıasynda ótkiziledi.
11.00-de Sheraton qonaq úıinde «Birlik» partııasy kezekten tys V sezin ótkizedi. Іs sharaǵa Nur-Cultan, Almaty, Shymkent qalalarynan jáne elimizdiń barlyq oblysynan 100-den astam delegat qatysady.
12.00-de «Don Paskýale» operasynyń premerasyna oraı baspasóz konferentsııasy ótedi. Ótetin orny: «Astana Opera» Kameralyq zal foıesi.
15.00-de «Táýelsizdik saraıynda» Tilderdi damytý jáne arhıv isi basqarmasy, «Rýhanııat» kommýnaldyq memlekettik mekemesi HHІІ qalalyq til festıvaliniń jabylý saltanatyn ótkizedi.
15:00-de Zoom onlaın platformasynda «Otbasylyq medıatsııany damytýdyń joldary» taqyrybynda halyqaralyq konferentsııa ótedi. Konferentsııaǵa halyqaralyq uıymdardyń (ıÝNISEF), múddeli memlekettik organdar men mekemelerdiń, úkimettik emes uıymdardyń, sondaı-aq, saraptamalyq qoǵamdastyqtardyń ókilderi jáne medıatorlar, ÚEU ókilderi, demografııa jáne otbasy problemasymen aınalysatyn ǵalymdar qatysady.
ALMATY
11:00-de Almaty qalalyq Qoǵamdyq keńesiniń otyrysy ótedi. Qoǵamdyq keńeske Zoom onlaın platformasy arqyly qatysýǵa bolady.
AQTÓBE
11:00-de «Aqtóbe - adaldyq alańy» jobalyq keńsesiniń «Antikor ortalygy» servıstik ǵımaratynda «QR zańnamasyndaǵy sybaılas jemqorlyqqa qarsy bastamalar men jedel tergeý qyzmetiniń nátıjeleri» taqyrybynda baspasóz máslıhaty ótedi.
