30 qyrkúıek. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
Botsvana Respýblıkasynyń Ulttyq meıramy - Táýelsizdik kúni (1966). Botsvana -Ońtústik Afrıkada ornalasqan memleket. Astanasy - Gaborone qalasy. Resmı tili - aǵylshyn jáne setsvana tilderi. Aqsha birligi - pýla. Memleket basshysy - Prezıdent. Zań shyǵarýshy organy - bir palataly Ulttyq jınalys.
Dúnıejúzilik aýdarma kúni (Aýdarmashylar kúni). 1991 jyly Halyqaralyq federatsııa (FIT) 30 qyrkúıekti Halyqaralyq aýdarmashylar kúni dep jarııalady.
Búkilálemdik teńiz kúni. 1978 jyly Birikken Ulttar Uıymy Bas Assambleıasy 10-sessııasynyń sheshimimen qabyldanǵan. Búkilálemdik teńiz kúniniń maqsaty - teńizder men muhıttarda balyqty shekten tys aýlaýdyń, sýattardy lastaý men jahandyq jylynýdyń qanshalyqty orny tolmas zııan shektiretinine halyqaralyq qoǵamdastyq nazaryn aýdarý. Meılinshe mańyzdy eki mindet - teńizdegi qaýipsizdikti arttyrý jáne teńiz aýmaǵyn, sonyń ishinde munaımen lastaýdyń aldyn alý.
ESTE QALAR OQIǴALAR
22 jyl buryn (1992) Qazaqstan Respýblıkasynyń Mınıstrler Kabıneti jastar úshin Memlekettik «Daryn» syılyǵyn taǵaıyndaý týraly qaýly qabyldady.
18 jyl buryn (1996) Qazaqstan ıAdrolyq synaqtarǵa jan-jaqty tyıym salý týraly Shart mátinine qol qoıdy.
190 jyl buryn (1824) Reseı Senatynyń sheshimimen Kókshetaý qamaly ımperııanyń bekitilgen aýdandar jónindegi resmı tizimine engizgen. 1839 jyly Kókshetaýǵa áskerı garnızon engizilip, kazaktar stansasy qurylǵan. 1868 jyly áskerı qurylymdardyń joıylýyna baılanysty qamal jergilikti azamattyq qonystarǵa aınalǵan.
95 jyl buryn (1919) Qyrǵyz (Qazaq) revolıýtsııalyq komıtetiniń Ádilet bólimin qurý týraly sheshimi qabyldandy.
14 jyl buryn (2000) Qazaqstan Respýblıkasynyń Prezıdenti N.Nazarbaev «Bilim» memlekettik baǵdarlamasy týraly» Jarlyqqa qol qoıdy.
9 jyl buryn (2005) Almatyda Qazaqstan Respýblıkasy Úkimeti músheleriniń qatysýymen Balqash kóliniń máselelerine baǵyttalǵan halyqaralyq ekologııalyq forým bolyp ótti.
Forýmǵa Qytaıdyń, Qyrǵyzstannyń belgili ǵalymdary, ekologtary, mamandary, Almaty, Jambyl, Qaraǵandy jáne Shyǵys Qazaqstan oblystarynyń ákimshilikteri jáne qoǵamdyq uıymdardyń ókilderi, barlyǵy 400-den astam delegattar qatysty. Forýmnyń maqsaty Balqash kóliniń máselelerine álemdik qoǵam nazaryn aýdarý, birlesken is-árekettiń keshendi baǵdarlamasyn qurastyrýǵa Qazaqstannyń qoǵamdyq, úkimettik jáne bıznes uıymdardyń qyzyǵýshylyǵyn biriktirý, sonymen qatar Balqash kóli basseıniniń barlyq aýmaǵyndaǵy ekologııalyq jáne ekonomıkalyq yntymaqtastyq aımaǵyn qurastyrý bolyp tabylady.
73 jyl buryn (1941) Máskeý úshin shaıqas bastaldy.
ESІMDER
111 jyl buryn ánshi (lırıkalyq-koloratýralyq soprano), Qazaq KSR-niń halyq ártisi SAMYShINA Nadejda Nıkolaevna (1903-1994) dúnıege keldi. Baký qalasynda týǵan. Baký konservatorııasyn professor N.Speranskııdiń klasy boıynsha bitirgen. Ánshi 1932-1938 jyldary Reseı qalalarynyń (qazirgi Samara, Ivanovo, ıAroslavl, Perm, Saratov) opera jáne balet teatrlary quramynda, al 1938 jyldan Almatyda Qazaqtyń memlekettik akademııalyq opera jáne balet teatrynda jeke daýystaǵy ánshi bolyp qyzmet etken. Osy teatr sahnasynda qoıylǵan orys jáne Batys Eýropa kompozıtorlarynyń klassıkalyq operalarynda negizgi keıipkerlerdiń sahnalyq bitim-bolmysyn ózine tán ásem lırıkalyq daýsymen ádemi kestelegen. Osyndaı operalyq partııalar qatarynda Antonına (D.Kabalevskıı «Tarastyń otbasy»), Maro (Z.Palıashvılı «Daısı»), Tatıana (P.Chaıkovskıı «Evgenıı Onegın»), Antonıda, Lıýdmıla (M.Glınka «Ivan Sýsanın» jáne «Rýslan men Lıýdmıla»), Qarly hanym (N.Rımskıı-Korsakovtyń osy attas operasy), Margarıta (Sh.Gýno «Faýst»), Lakme, Chıo-Chıo-san (L.Delıbtiń jáne Dj.Pýchchınıdiń osy attas operalary), Dezdemona, Djılda, Vıoletta (Dj.Verdı «Otello», «Rıgoletto» men «Travıata») bar. 1948 jyldan Almaty mýzyka ýchılışesinde, al 1952-1964 jyldary Almaty memlekettik konservatorııasynda pedagogıkalyq qyzmetpen shuǵyldanǵan. Shákirtteri - A.Baıqadamova, B.Tólegenova, N.Núsipjan, N.Sháripova, V.Fınogenova, N.ıÝmasheva. «Qurmet belgisi» ordenimen, medaldarmen marapattalǵan.
130 jyl buryn (1884-1940) Alash qozǵalysynyń qaıratkeri JAINAQOV Ybyraıym dúnıege keldi. Jetisý oblysy Vernyı ýezinde týǵan. Alash qozǵalysynyń qaıratkeri. Vernyı erler gımnazııasyn bitirgen. Jetisý oblysy basqarmasynda tilmashtyq qyzmet atqarǵan. 1911 jyly 21 qazanda Jaınaqovtyń bastamasymen Jetisý oblysynyń bolystary jáne qurmetti aqsaqaldarynyń keńesi ótip, onda oblys ákimshilik pen qonystandyrý basqarmalarynyń is-áreketteri jóninde jáne saıası izdestirý bólimderiniń oblystaǵy kóshpeli halyqtyń isine aralaspaýy týraly Reseı ımperııasynyń astanasy Sankt-Peterbýrgtegi Memlekettik dýma múshelerine ótinish aıtyp, ókilder jiberý máselesi sheshildi. Nátıjesinde kórnekti qazaq zııalylarynyń biri Barlybek Syrttanov Sankt-Peterbýrgke baryp, Memlekettik dýmanyń Musylman fraktsııasy múshelerine Jetisýdaǵy jergilikti halyqtyń ótinish-tilekterin bildirip qaıtty. Jaınaqov Búkilreseılik musylmandar seziniń daıarlanýyna jáne ótýine at salysty. Ol Reseı patshasynyń 1916 jylǵy 25 maýsym jarlyǵyna baılanysty shıelenis týyndaǵan jaǵdaıda halyqtyń kóteriliske shyqpaýyn jaqtady. 1916 jyly 14 shildede Vernyı qalasynda Úlken Almaty bolystyǵyna qarasty jergilikti halyq ókilderiniń májilisin uıymdastyrýshylardyń biri retinde halyqtyń kóteriliske shyǵyp bosqa qyrylmaýyn, máseleniń beıbit túrde sheshilýin halyqqa túsindirdi. Jaınaqov 1917 jyly Aqpan tóńkerisinen keıin eldegi qoǵamdyq-saıası ózgeristerge belsene aralasty. Jetisý oblysy qazaq komıtetiniń tóraǵasy bolyp saılandy. 12 - 23 sáýirde 81 delegat qatysqan Jetisý oblysy qazaq 1-sezin daıarlap ótkizýge kóp eńbek sińirdi, sezge tóraǵalyq etti. 1917 jyly 19 shildede Ýaqytsha úkimettiń Jetisý oblystyq komıssarynyń orynbasary bolyp taǵaıyndaldy. 1917 jylǵy 1-, 2-jalpyqazaq sezderiniń jumysyna belsene aralasty. Búkilreseılik Quryltaı jınalysyna Jetisý oblysynan depýtattyqqa usynyldy. 1917 jyly shilde, tamyz aılarynda Á.Bókeıhanov, M.Shoqaev, J.Dosmuhamedov, H.Dosmuhamedovtermen birge Jaınaqov Chelıabınsk qalasynda ótken Sibir úkimeti men Quryltaı jınalysynyń músheleri komıtetiniń májilisine qatysty. 1916 jylǵy ult-azattyq qozǵalysynan keıin bosqynshylyqqa ushyrap, Qytaıǵa aýǵan Jetisýdyń jergilikti qazaq jáne qyrǵyz halyqtaryn Otanyna qaıtarý, olarǵa kómek kórsetý, asharshylyqqa tap bolǵan Jetisýdyń jergilikti halyqtaryn azyq-túlikpen qamtamasyz etý, qonys aýdarýshylar men jergilikti halyqtyń araqatynasyn retteý isine qazaq jáne qyrǵyz zııalylarymen birge at salysty. 1918 jyly 10 - 31 tamyz aralyǵynda Lepsi qalasynda ótken Jetisý oblysy qazaqtarynyń 2-sezine tóraǵalyq etti, sezge jınalǵandarǵa qazaq jáne qyrǵyz tilderinde oblystyq gazet shyǵarýdy usyndy. Bolshevıkter bılik basyna kelip, eldegi qoǵamdyq-saıası jaǵdaıdyń ózgerýine baılanysty Jaınaqov Jetisýdaǵy Alash qozǵalysynyń kórnekti qaıratkerlerimen birge Qytaıǵa qonys aýdaryp, sol jaqtan bolshevıkterge qarsy qarýly qarsylyq uıymdastyrý áreketterin qoldady.
91 jyl buryn zań ǵylymdarynyń doktory, professor, Qazaqstan Ulttyq ǵylym akademııasynyń akademıgi, Qazaqstannyń eńbek sińirgen ǵylym qaıratkeri, Sh.Ýálıhanov atyndaǵy syılyqtyń laýreaty ERENOV Ábdýáli (1923-2004) dúnıege keldi. Ońtústik Qazaqstan oblysynyń Túrkistan qalasynda týǵan. Uly Otan soǵysyna qatysqan. Tashkent zań ınstıtýtyn, KSRO Ǵylym akademııasy Memleket jáne quqyq ınstıtýty aspırantýrasyn bitirgen. Qazaqstan Ǵylym akademııasynyń Fılosofııa jáne quqyq ınstıtýtynyń ǵylymı qyzmetkeri, bólim meńgerýshisi, bas ǵylymı qyzmetkeri bolǵan. Ǵalymnyń negizgi ǵylymı eńbekteri jer qatynastarynyń tarıhy men problemalary, tabıǵatty keshendi qorǵaýdyń quqyqtyq máseleleri, naryqtyq ekonomıka jaǵdaıynda ekologııalyq jáne agrarlyq qarym-qatynastardyń quqyqtyq negizderin jetildirýge arnalǵan. Birneshe ordenmen jáne medaldarmen marapattalǵan.
114 jyl buryn (1900-1996) keńes geofızıgi jáne astronomy, KSRO Ǵylym akademııasynyń korrespondent múshesi, KSRO-daǵy gravımetrııalyq zertteýlerdiń negizin qalaýshylardyń biri PARIISKII Nıkolaı Nıkolaevıch dúnıege keldi. Sankt-Peterbor qalasynda týǵan. Máskeý memlekettik ýnıversıtetin bitirgen. Máskeý memlekettik ýnıversıtetinde, KSRO Ǵylym akademııasynyń Jer fızıkasy ınstıtýtynda qyzmet istegen. Kýrsk jáne Máskeý gravıtatsııalyq anomalııalaryna alǵashqy júrgizilgen zertteýlerge qatysty. Negizgi ǵylymı eńbekteri gravımetrııaǵa, kosmogonııaǵa, astrofızıkaǵa, jerdegi sý tasqyndaryna jáne jer aınalysyna arnalǵan. Ol 1942 jyly KSRO ǴA Qazaq fılıalynyń Astronomııa jáne fızıka ınstıtýtynda úsh deneniń shektelgen gıperbolalyq máselesi boıynsha esepteýler júrgizdi. Bul esepteýler, Kúnniń mańynan basqa bir juldyzdyń ótýi kezinde Kúnnen bólinip shyqqan materııalar aǵynynan ǵalamsharlyq júıe paıda bolǵan degen Djıns gıpotezasynyń dáıeksizdigin dáleldep berdi. Lenın, Eńbek Qyzyl Tý ordenderimen jáne medaldarmen marapattalǵan.
64 jyl buryn (1950) «Reseı Sberbanki» AQ EK dırektorlar keńesiniń múshesi - táýelsiz dırektory, ekonomıka ǵylymdarynyń kandıdaty ISENǴALIEV Baqytjan Іztileýuly dúnıege keldi. Qostanaı oblysynyń Qarabalyq aýdanynda týǵan. Almaty halyq sharýashylyǵy ınstıtýtyn (Turar Rysqulov atyndaǵy Qazaq ekonomıkalyq ýnıversıteti), Lomonosov atyndaǵy Máskeý memlekettik ýnıversıtetiniń aspırantýrasyn bitirgen. 1979-1980 jyldary - Almaty halyq sharýashylyǵy ınstıtýtynyń aǵa ǵylymı qyzmetkeri. 1984-1992 jyldary - Almaty halyq sharýashylyǵy ınstıtýtynyń oqytýshysy, dekannyń orynbasary. V 1992-1995 jyldary - «Álemsıstem» qarjy-ınvestıtsııalyq kompanııasynyń vıtse-prezıdenti. 1995-1999 jyldary - Qazaqstan Respýblıkasynyń Maın - Frankfýrt qalasyndaǵy konsýly, bas konsýly. 1999-2002 jyldary - GFR-daǵy Qazaqstan Respýblıkasy Elshiliginiń keńesshisi. 2002-2003 jyldary - Qazaqstan Respýblıkasy Kólik jáne kommýnıkatsııalar vıtse-mınıstri. 2003-2004 jyldary - Qazaqstan Respýblıkasy Syrtqy ister mınıstriniń keńesshisi. 2004-2006 jyldary - «QazMunaıGaz» UK» AQ prezıdentiniń keńesshisi. 2006-2008 jyldary - «QazMunaıGaz» UK» AQ gazdy jobalaý bloginiń atqarýshy dırektory qyzmetterin atqarǵan. 2008 jylǵy mamyr aıynan - «PetroQazaqstan» AQ kompanııalar tobynyń vıtse-prezıdenti. Qazirgi qyzmetinde - 2011 jylǵy qarashadan beri.
73 jyl buryn (1941) zań ǵylymynyń doktory, professor, Qazaqstan Ǵylym Akademııasynyń akademıgi, Qazaqstan Respýblıkasy Joǵarǵy soty janyndaǵy ǵylymı-konsýltatıvtik keńestiń múshesi SÚLEIMENOV Maıdan Kúntýaruly dúnıege keldi. Almaty qalasynda týǵan. Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti), KSRO Ǵylym Akademııasy memleket jáne quqyq ınstıtýtynyń aspırantýrasyn bitirgen. 1966-1991 jyldary - Qazaqstan Ǵylym Akademııasy Fılosofııa jáne quqyq ınstıtýtynyń kishi, aǵa ǵylymı qyzmetkeri, bólim meńgerýshisi. 1991-1992 jyldary - Qazaqstan Ǵylym Akademııasy Memleket jáne quqyq ınstıtýtynyń dırektory. 1992-1994 jyldary - Qazaqstan Ǵylym Akademııasy Tóralqasynyń bas ǵalym hatshysy. 1995 jyldan Qazaq memlekettik zań ýnıversıteti Ǵylymı-zertteý ortalyǵynyń dırektory bolyp isteıdi. Qazaqstan Respýblıkasy Konstıtýtsııasyn, Azamattyq kodeksin, turǵyn úı zańyn jáne basqa da ekonomıkalyq reformaǵa qatysty zańdardy jasaýǵa qatysqan. «Qurmet» ordenimen marapattalǵan.
123 jyl buryn (1891-1956) keńes matematıgi, astronom, soltústikti zertteýshi ShMIDT Otto ıÝlevıch dúnıege keldi.
119 jyl buryn (1895-1977) keńestik áskerı qaıratker, Keńes Odaǵynyń Marshaly VASILEVSKII Aleksandr Mıhaılovıch dúnıege keldi.
115 jyl buryn (1899-1984) kompozıtor, dırıjer, Qazaqstan ónerine eńbek sińirgen qaıratker IVANOV-SOKOLЬSKII Mıhaıl Mıhaılovıch dúnıege keldi. 1937-1938 jyldary Qazaq fılarmonııasynyń Uıǵyr mýzykalyq-dramalyq sımfonııalyq orkestiriniń dırıjeri. 1942 jyldan Qazaqstanda turdy. «Amankeldi batyr» batyrlyq marshy shyǵarmasynyń, Mánshúk Mámetovaǵa arnalǵan patetıkalyq fortepıanoǵa arnalǵan trıonyń, «Jambyl ne týraly shyrqady», «Uly sáýletker» shyǵarmalarynyń, «Jetisý dalasynda» ánder tsıklynyń, spektkalderge arnalǵan mýzykalyq shyǵarmalardyń avtory. «Qyzyl juldyz» ordenimen, medaldarmen marapattalǵan.
97 jyl buryn (1917-1979) ońtústikkoreıalyq áskerı qolbasshy jáne saıasatker, 1963-1979 jyldardaǵy Ońtústik Koreıanyń prezıdenti Pak Chjon Hı dúnıege keldi.
80 jyl buryn (1934) jazýshy-kósemsózshi, aqyn, aýdarmashy, Qazaqstan mádenıetine eńbek sińirgen qaıratker AQTAEV Sarbas dúnıege keldi. Kókshetaý oblysynyń Kókshetaý aýdanyndaǵy Jylymdy aýylynda dúnıege keldi. Orta mektepti bitirgennen keıin aýdandyq «Kolhoz joly» gazetinde jaýapty hatshy bolyp qyzmet atqardy. 1957 jyly Qaraǵandy pedagogıka ınstıtýtyn bitirip, segiz jyldyq mektepte bir jyldaı ustazdyq etken. 1958 jyly Kókshetaý oblystyq gazetiniń redaktsııasyna qyzmetke aýysqan ol sodan beri baspasóz salasynda úzbeı eńbek etip keledi. Respýblıkalyq saıası syqaq jýrnaly «Ara»-»Shmel» redaktsııasynda feletonshy, Almaty oblystyq «Jetisý» gazetinde birqatar jyl redaktordyń orynbasary, birinshi orynbasary, on jeti jyl boıy «Egemen Qazaqstan» gazeti redaktorynyń orynbasary, «Halyq keńesi» gazetiniń Bas redaktory, «Aqıqat» jýrnalynyń Bas redaktory bolyp qyzmet etken. Qazir «Aqıqat» jýrnalynda bólim redaktory. Ádebıettegi alǵashqy qadamyn óleńmen bastaǵan ol ádebıettiń ár salasyna atsalysyp keledi. Sh.Ýálıhanov atyndaǵy ýnıversıtettiń Qurmetti professory. Onyń aýdarýynda SetonTompson men M.Sholohovtyń áńgimeleri, V.A.Obrýchevtiń «Jumbaq jer», N.I.Anovtyń «Án qanaty», A.DjaparZadeniń «Otanyńa oral», A.Kamıýdiń «Oba» jáne «Bógde», Býlgakovtyń «Aq gvardııa» jáne «Maıtalman sheber men Margarıta» romandary men R.Fraermannyń «Túz taǵysy Dıngo» povesi, Mamın-Sıbırıaktiń áńgimeler men povester jınaǵy, t.b. jeke-jeke kitap bolyp shyqty. Eki márte «Qurmet Belgisi» ordenimen jáne medaldarmen, eki márte Qazaq KSR Qurmet Gramotasymen marapattalǵan. Birneshe márte Qazaqstan Jýrnalıster odaǵy syılyǵyna ıe bolǵan. Qazaqstan Respýblıkasynyń eńbek sińirgen mádenıet qyzmetkeri, «Parasat» ordeniniń jáne «Baspasóz úzdigi» ataǵynyń ıegeri.
60 jyl buryn (1954) ǵalym, medıtsına ǵylymdarynyń doktory, professor MYRZAMADIEVA Anjella Atjomartqyzy dúnıege keldi. Almaty qalasynda týǵan. Almaty memlekettik medıtsına ınstıtýtyn bitirgen. 1976-1996 jyldary - Qazaqstan Respýblıkasy Ulttyq ǵylym akademııasynyń Fızıologııa ınstıtýtynyń kishi, aǵa ǵylymı qyzmetkeri. 1996 jyldan - Qazaqstan Respýblıkasy Ulttyq ǵylym akademııasynyń Fızıologııa ınstıtýtynyń lımfoaınalys zerthanasynyń bas ǵylymı qyzmetkeri. 80-nen astam ǵylymı eńbekterdiń, sonyń ishinde 1 monografııanyń, 4 patenttiń avtory.
56 jyl buryn (1958) Batys Qazaqstan oblystyq tabıǵat resýrstary jáne tabıǵat paıdalanýdy retteý basqarmasynyń bastyǵy DÁÝLETJANOV Amangeldi Medhatuly dúnıege keldi. Oral qalasynda týǵan. Batys Qazaqstan aýylsharýashylyq ınstıtýtyn (1980) zooınjener mamandyǵy boıynsha; Batys Qazaqstan ınjenerlik-tehnologııalyq ýnıversıtetin (2004) ekonomıst mamandyǵy boıynsha bitirgen. 1980 jyldan - Oral oblysy Shyńǵyrlaý aýdandyq aýylsharýashylyq basqarmasynyń zootehnıgi, Shyńǵyrlaý aýdandyq komsomol komıtetiniń nusqaýshysy, uıymdastyrý bóliminiń meńgerýshisi, hatshysy. 1984 jyldan - Oral oblysy Shyńǵyrlaý aýdanynyń Jańakósh arnaıy keńshar birlestiginiń bas zootehnıgi. 1985 jyldan - Oral oblysy Shyńǵyrlaý aýdandyq komsomol komıtetiniń birinshi hatshysy. 1986 jyldan - Oral oblystyq komsomol komıtetiniń birinshi hatshysy. 1987 jyldan - Oral oblystyq agroónerkásiptiń birikken kásipodaq komıtetiniń jetekshi mamany, jalpy bólim bastyǵy, tóraǵasy. 1989 jyldan - Oral oblystyq partııa komıteti birinshi hatshysynyń kómekshisi. 1991 jyldan - Oral oblystyq Halyq depýtattary keńesi tóraǵasynyń róferenti, tóraǵa kómekshisi, Batys Qazaqstan oblystyq ákimshiligi basshysynyń birinshi orynbasarynyń kómekshisi. 1992 jyldan - «Intýrıst-Qazaqstan» Sheteldik týrızm jónindegi ulttyq kompanııasy agenttiginiń dırektory, «ıAssaýı» týrızm jónindegi MAQ Oral agenttiginiń dırektory. 2002 jyldan - Oral qalasynyń ákimi apparatynyń uıymdastyrý bóliminiń meńgerýshisi, apparat jetekshisi. 2006 jyldan - BQO Shyńǵyrlaý aýdanynyń ákimi. 2008 jyldan beri - BQO ákimi apparatynyń jetekshisi. Qazirgi qyzmetinde - 2012 jylǵy qyrkúıekten beri. «Astananyń 10 jyldyǵy» medalimen (2008); QR Prezıdentiniń Qurmet gramotasymen (2007) marapattalǵan.
75 jyl buryn (1939) frantsýz hımıgi, sýpramolekýlıarlyq hımııanyń negizin salýshy, Nobel syılyǵynyń laýreaty LEN Jan Marı dúnıege keldi. 132 jyl buryn (1882-1945) nemis fızıgi, radıoaktıvtik sáýlelendirý bólshekteriniń eseptegishin jasaýshy (Geıger eseptegishi) GEIGER Gans (Hans) Vılgelm dúnıege keldi.
50 jyl buryn (1948) ıtalıandyq kınoaktrısa jáne fotomodel Monıka BELÝChChI dúnıege keldi.