30 qarashaǵa arnalǵan aýa raıy boljamy - Qazgıdromet
ASTANA. 29 qarasha. QazAqparat - Qazaqstan aýmaǵynyń basym bóliginde aýa raıynyń turaqsyzdyǵy saqtalady, keı jerlerde jaýyn-shashyn bolady dep kútilýde, kóktaıǵaq bolady, tuman túsedi, jel kúsheıedi. Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
Aqmola oblysynda 15-20 m/s jel soǵady, keı jerlerde jel ekpini 25 m/s bolady, tuman túsedi dep boljanýda, kóktaıǵaq bolady.
Qostanaı oblysynda jel ekpini 17-22 m/s bolady, keı jerlerde kóktaıǵaq bolady, túnde jáne tańerteń tuman túsedi.
Soltústik Qazaqstan, Atyraý, Batys Qazaqstan, Qaraǵandy oblystarynda birqatar aımaqtarda tuman túsedi dep kútilýde, kóktaıǵaq bolady, kúndiz jel 15-20 m/s-ke kúsheıedi, Soltústik Qazaqstan oblysynda kúndiz jel ekpini 25 m/s bolady.
Aqtóbe oblysynda keıbir aımaqtarda boran soǵady dep kútilýde, kóktaıǵaq bolady, jeldiń jyldamdyǵy 15-20 m/s-ke jetedi.
Almaty oblysynda, kúndiz Qyzylorda oblysynda keı jerlerde tuman túsedi, jel 15-20 m/s-ke kúsheıedi.
Jambyl, Ońtústik Qazaqstan, Mańǵystaý, Pavlodar, Shyǵys Qazaqstan oblystarynda keı jerlerde jel 15-22 m/s-ke kúsheıedi.
Aldaǵy tórt táýlikte Batys Altaıdyń (ShQO) jekelegen ózenderinde muz qalyptasýyna jáne jaýyn-shashyn jaýýyna baılanysty sý deńgeıi kóterilýi múmkin. Almaty oblysynyń alasa taýly aımaǵynda jaýyn-shashyn bolady dep kútilýine baılanysty sý shyǵyny ulǵaıýy yqtımal. Qyzylorda oblysynyń aýmaǵynda Syrdarııa ózeninde ózen arnalaryn retteý esebinen sý deńgeıiniń turaqsyzdyǵy baıqalady.
