30 qarashada el boıynsha qaı joldarda shekteý bar
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, 2025 jylǵy 29 qarasha saǵat 22:30-dan bastap Aqmola oblysynda respýblıkalyq mańyzy bar «KAZ02 Astana – Kókshetaý (aınalma jol) – Petropavl – RF shekarasy (Jańa Jol ótkizý pýnkti)» avtojolynyń 19-231-shaqyrym aralyǵynda kóliktiń barlyq túri úshin jyldamdyq shekteýi 140 shaq/saǵ-tan 110 shaq/saǵ-qa deıin tómendetildi. Bul shara aýa raıynyń buzylýyna, temperatýranyń tómendeýi, kóktaıǵaq, usaq qardyń jaýýyna baılanysty engizildi.
Sondaı-aq úsh óńirde buǵan deıin engizilgen shekteýler áli de kúshinde.
Soltústik Qazaqstan oblysy
«Tımırıazevo – Sarykól – oblys shekarasy» avtojolynyń 0-30-shaqyrymynda (Qostanaı oblysy shekarasy – Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde saqtalady.
Pavlodar oblysy
«Astana – Shiderti – Pavlodar – Ýspenka – RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Qalqaman eldi mekeninen Astanaǵa qozǵalys Bereke «Qalqaman – Aqsý» kólik aıryǵy arqyly (uzaqtyǵy 6 shaqyrym) jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Eske salaıyq, buǵan deıin Qazgıdromet 30 qarashada aýa raıyna baılanysty elimizdiń birqatar óńirinde daýyldy eskertý jarııalaǵan edi.
