30 qarasha kúni Qazaqstanda ótetin mańyzdy oqıǵalarǵa sholý

ASTANA

9.30-da QR Premer-Mınıstriniń orynbasary Erbolat Dosaevtyń, QR Densaýlyq saqtaý mınıstri Eljan Birtanovtyń qatysýymen alǵash ret «Qazaqstan Respýblıkasynyń densaýlyq saqtaý salasyndaǵy ınvestıtsııalar» forýmy ótedi.

9.30-da Bebitshilik jáne kelisim saraıynda «Din salasyndaǵy memlekettik saıasat qoǵamdyq sanany jańǵyrtý aıasynda» taqyrybynda Qazaqstan dintanýshylarynyń VII Forýmy ótedi.

9:30-da «Marıot» qonaq úıinde QR ІІM jáne EQYU birlesip, Parlament Májilisiniń depýtattary, Prezıdent ákimshiligi men múddeli memlekettik organ ókilderiniń qatysýymen turmystyq zorlyq-zombylyqtardyń aldyn alý jumystaryn jetildirý boıynsha dóńgelek ústel ótkizedi.

10.00-de QR Parlamenti Senatynyń otyrysy bastalady.

10.00-de Sputnik Qazaqstan portalynyń mýltımedııalyq baspasóz ortalyǵynda «Qazaqstan men Qyrǵyzstan qatynastaryn jańǵyrtý - taraptar pikiri» taqyrybynda Astana-Bishkek vıdeokópiri ótedi. Sarapshylar baýyrlas memleketterdiń qarym-qatynastaryndaǵy qazirgi jaǵdaıdy talqylaıdy jáne shıelenisti retteý boıynsha usynystaryn aıtady.

10.00-de Qazaqstan Respýblıkasynyń Ulttyq mýzeıinde Qazaqstan Respýblıkasy men Germanııa Federatıvti Respýblıkasy arasyndaǵy mádenı yntymaqtastyq máseleleri boıynsha aralas komıssııanyń besinshi otyrysy bastalady.

10.00-de QR Syrtqy ister mınıstrliginde QR Syrtqy ister mınıstriniń orynbasary Erjan Ashyqbaev pen AQSh Memlekettik hatshysynyń Ońtústik jáne Ortalyq Azııa boıynsha kómekshisi mindetin atqarýshy Elıs Ýellstiń tóraǵalyǵymen Strategııalyq seriktestik boıynsha qazaqstandyq-amerıkalyq komıssııanyń Sholý sessııasy ótedi.

10.20-da «Nur Otan» partııasynyń Ortalyq apparatynda Qazaqstan Respýblıkasynyń Tuńǵysh Prezıdenti kúnine arnalǵan partııaǵa múshelikke saltanatty qabyldaý rásimi ótedi.

Sonymen birge 11.00 jáne 15.00-de «Nur Otan» partııasynyń respýblıkalyq qoǵamdyq qabyldaý bólmesinde Qazaqstan Respýblıkasynyń Tuńǵysh Prezıdenti kúnine arnalǵan «Respýblıkalyq qoǵamdyq qabyldaý kúni» ótedi. 

13.00-de Nursultan Nazarbaev atyndaǵy Astana halyqaralyq áýejaıynda mıllıonynshy  jolaýshy anyqtalady jáne estelik syılyqtarmen marapattalady.

14.30-da «Úkimet úıinde» QR Investıtsııalar jáne damý vıtse-mınıstri Tımýr Toqtabaevtyń jáne «Tehnologııalyq damý jónindegi ulttyq agenttik» AQ basqarma tóraǵasynyń orynbasary Ómirjan Táshimovtyń qatysýymen baspasóz máslıhaty ótedi.

15.00-de Qazaqstandaǵy Lıvııa elshiligi BAQ-ta taraǵan Lıvııadaǵy qul saýdasy týraly aqparatqa qatysty baspasóz máslıhatyn ótkizedi.

16.00-de QR Qarjy mınıstrliginiń Memlekettik kirister komıtetiniń jumys qorytyndysy boıynsha brıfıng ótedi.

16.20-da Ortalyq kommýnıkatsııalar qyzmetinde Innovatsııalyq kongress, ınnovatsııalyq jobalardyń kórmesi jáne Ulttyq ınnovatsııalyq baıqaýdyń qorytyndysy boıynsha baspasóz konferentsııasy ótedi.

ALMATY

09.00-13.00 aralyǵynda «Biz - Almaty» jobasynyń «Jasyl dáliz» taqyrybyndaǵy ekinshi forýmy ótedi. Uıymdastyrýshylar - Brıtandyq keńes, Almaty qalasynyń ákimdigi, «Almaty qalasynyń damý ortalyǵy» AQ jáne «Qazaq-Brıtan tehnıkalyq ýnıversıteti».

11.00-de QR Ulttyq kitaphanasynda Qazaqstan Respýblıkasynyń Tuńǵysh Prezıdenti kúnine arnalǵan merekelik shara ótedi.

11.00-de ındýstrııalyq dızaın ortalyǵy ashylady. Ortalyqty Tech Garden Qazaqstandaǵy ınjınırıngtik jáne jobalaý qýattylyǵyn arttyrý maqsatynda Satbayev University-men birlesip qurǵan.

10.00-18.00 aralyǵynda shashtaraz, tyrnaq estetıkasy, makııaj, bodı-art jáne qasty úlgileý boıynsha Qazaqstan Respýblıkasynyń ІІ chempıonaty ótedi. Sharany QR Sulýlyq ındýstrııasy qaýymdastyǵy Almaty ákimdiginiń jáne «Atameken» UKP qoldaýymen uıymdastyrǵan.

16.00-de Almaty qalasynyń avıatsııalyq bazasyna «Airbus Military» eýropalyq áýe kontserniniń jańa S-295 ıspandyq ushaǵy jetkiziledi.

17.30-da T.Qulybaevtyń tóraǵalyǵymen QR Ulttyq Olımpıada komıtetiniń kezekten tys Bas assambleıasynyń otyrysy ótedi.

QARAǴANDY OBLYSY

11.00-de Qaraǵandy oblysy Óńirlik kásipkerler palatasy janydaǵy Іsker áıelder keńesiniń forýmy ótedi.

BATYS QAZAQSTAN OBLYSY

11.00-de Óńirlik kommýnıkatsııalar qyzmetinde «Óńirdegi jer telimderin paıdalaný erejeleri týraly» brıfıng bastalady.

OŃTÚSTІK QAZAQSTAN OBLYSY

10.00-de  Shymkent qalasyndaǵy  oblystyq fılarmonııada «Rýhanı jańǵyrý» baǵdarlamasy  aıasynda «Rýhanı jańǵyrý» baǵdarlamasy aıasyndaǵy oblystyq  jas muǵalimder  forýmy  ótedi. Onda jas muǵalimderdiń máseleleri men ózin-ózi jetildirý jáne jastardyń bilim berý júıesin damytýǵa, elimizdiń rýhanı jańǵyrýyna óz úlesin qosýǵa kásibı kózqarasyn qalyptastyrý máseleleri talqylanady.