30 qarasha. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
30 qarasha. JEKSENBІ
Barbadostyń Ulttyq meıramy - Táýelsizdigin jarııalaǵan kúni (1966). Barbados Vest-Indııanyń shyǵys bóliginde ornalasqan memleket. Astanasy - Brıdjtaýn qalasy. Memlekettik tili - aǵylshyn tili. Aqsha birligi - barbados dollary.
Halyqaralyq aqparat qorǵaý kúni. 1988 jyly Amerıkalyq kompıýterlik jabdyqtar qaýymdastyǵy 30 qarashany «Halyqaralyq aqparat qorǵaý kúni» dep jarııalady.
Andjeıkı (Andreı attastar kúni). Bul meıramnyń ataýy «Andjeı» (Andreı) esiminen - Polshadaǵy kóp kezdesetin erler esiminiń birinen bastaý alady. Halyqtyq merekelerge jatatyn meıram 29-ynan 30-yna qaraǵan túni toılanady jáne ony tek Andreıler ǵana emes, basqalar da atap ótedi.
ESTE QALAR OQIǴALAR
31 6 jyl buryn (1698) I Petr Reseıdegi eń alǵashqy jáne joǵarǵy marapat - Andreı Pervozvannyı ordenin bekitti. Orden 1998 jyly qaıta jańartylǵan. Atalmysh ordenmen Qazaqstan Respýblıkasynyń Prezıdenti N.Nazarbaev marapattalǵan.
10 jyl buryn (2004) Qostanaı oblysynyń Arqa stansasynda Qazaqstan Respýblıkasynyń Prezıdenti Nursultan Nazarbaevtyń qatysýymen Hromtaý - Altynsarın jańa temir jol jelisi boıynsha qozǵalys bastalýynyń saltanatty rásimi bolyp ótti. Bul jol elimizdiń soltústiginen batysyna kólik qatynaýy qashyqtyǵyn 2 myń shaqyrymǵa deıin qysqartyp, tasymaldanatyn júkterdiń baǵasyndaǵy kóliktik qosymshalardy azaıtady, astyq, munaı, metall jáne Aqtaý teńiz aılaǵy arqyly ótetin halyqaralyq qatynastaǵy basqa da júkterdi eksporttyq tasymaldaýdaǵy jol uzaqtyǵyn shekteıdi, tıisinshe, sol jerden san jaqqa qıystyrylǵan kóliktik dálizben Azııaǵa, Kavkaz elderine, Shyǵys jáne Ortalyq Eýropaǵa jol ashylady. Joldyń jalpy uzyndyǵy - 403,9 shaqyrym. «Hromtaý-Altynsarın» jobasynyń quny shamamen 30 mıllıard teńgege baǵalanǵan. Bul somanyń 25,5 mıllıard teńgesin - respýblıkalyq bıýdjet, al qalǵan 4 mıllıard teńgeden astamyn - «Qazaqstan temir joly» ulttyq kompanııasy saldy.
10 jyl buryn (2004) Almatyda Aeronavıgatsııalyq oqý ortalyǵy ashyldy. Ortalyq qazirgi zamanǵy jabdyqtarmen jaraqtandyrylǵan, óz kitaphanalyq qory bar, kásibı deńgeıleri óte joǵary oqytýshy jáne nusqaýshy quramymen qamtylǵan. Munda Búkilreseılik radıoapparatýra ǵylymı-zertteý ınstıtýtynda jasalǵan «Sıntez-TTs» áýe qozǵalysyn basqarý boıynsha keshendi júıeli trenajer ornatylǵan.
9 jyl buryn (2005) Pavlodardyń Shafer úıi murajaıy qazaqtyń mýzyka tarıhynda óziniń qoltańbasyn qaldyrǵan kompozıtor Evgenıı Brýsılovskııdiń 100 jyldyǵyna arnap lazer dıskisin shyǵardy. Onda ataqty sazgerdiń ánderi men romanstary, ol óńdep, notaǵa túsirgen qazaqtyń halyq ánderi jazylǵan.
Evgenıı Brýsılovskıı - Qazaqstandaǵy kásibı mýzykalyq bilim berýdiń negizin salyp, Qurmanǵazy atyndaǵy konservatorııanyń irge tasyn qalaǵandardyń biri. Onyń qazaqtyń halyq ánderi negizinde jazǵan «Aıman-Sholpan» jáne «Qyz Jibek» operalary - qazaqtyń osy saladaǵy mýzyka óneriniń qarlyǵashtary ǵana emes, halqymyzdyń mýzyka shyǵarmashylyǵynyń altyn qoryna aınalǵan asyl dúnıeler.
9 jyl buryn (2005) Qyzylorda oblysyndaǵy erte zamandaǵy turaqtarynda qazba jumystaryn júrgizgen kezde biregeı zattar tabyldy. Qazba jumystary Jańadarııa-Syrdarııa salasy ózenderiniń jaǵalaýynda ornalasqan Shırek Rabat eski qalasynyń aýmaǵynda júrgizildi, qazirgi Qyzylorda oblysynyń Qarmaqshy aýdany. Bul jumystar «Mádenı mura» memlekettik baǵdarlamasynyń sheńberinde ótkizildi. Kólemi 40 gektar jerdi alyp jatqan eki qatarly qamal IV-V ǵasyrlarda tirshilik etken. Búgingi tańda ol arheologııalyq eskertkishterdiń tizimine engen. Qazba jumystary kezinde eki metrlik tereńdikte naızanyń ushtary, qysh ydystary, altynnan jasalǵan buıymdar tabyldy.
9 jyl buryn (2005) «Qazaq» teplohody Reseıdiń soltústik-batysynda, Karelııadaǵy «Onega keme jasaý zaýytynda» sýǵa túsirildi. «Reseıdiń tasymaldaý júıesin 2010 jylǵa deıin túrlendirý» federaldy baǵdarlamasy aıasynda jasalǵan.
Keme orman aǵashtary men astyqtardy, iri gabarıtti júkterdi, sondaı-aq, halyqaralyq standarttaǵy konteınerlerdi tasymaldaýǵa arnalǵan. Júk kótergishtigi - 5,1 myń tonnany quraıtyn «Qazaq» kemesiniń uzyndyǵy - 108,33 metr, eni - 16,5 metr, bortynyń bıiktigi - 5,5 metr. «Qazaq» teplohody Karelııa kemeleri serııasymen jasalyp otyr. TMD elderi halyqtarynyń qurmetine atalatyn bul serııadaǵy kemelerdiń sany 10-ǵa jetkizilmek.
9 jyl buryn (2005) Qazaqstan Respýblıkasynyń Ulttyq kitaphanasynda «Teńizshevroıl» JShS-iniń demeýshiligimen «Anglo-Kaspıan» baspasynan shyqqan «Qazaqtyń kıiz úıi» etnografııalyq-tanymdyq kórkemsýretti kitaptyń tanystyrylymy ótti.
«Teńizshevroıl» Qazaqstanda tek munaı óndirýmen ǵana shektelmeı, elimizdiń mádenı-áleýmettik salasyn damytýǵa atsalysyp keledi. Atyraý, Mańǵystaý oblystary turǵyndarynyń áleýmettik ahýalyn jaqsartý maqsatynda birtalaı ıgilikti sharýalardy tyndyrdy. «Nursultan Nazarbaevtyń bastamasymen qolǵa alynǵan «Mádenı mura» baǵdarlamasyna saı, mádenı-tarıhı jáne rýhanı muraǵattardy jańǵyrtyp, ony keleshek urpaqtyń enshisine qaldyrý úshin osy elde jasalyp jatqan aýqymdy jumysqa qosqan úlesimizdi qabyl alyńyzdar», dedi «Teńizshevroıl» kásipornynyń bas dırektory Aleksandr Kornelıýs. Qalamger, Qazaqstan Respýblıkasy Memlekettik syılyǵynyń laýreaty Dýlat Isabekov «kúni keshe kıiz úıde týyp-ósken ósken qazaq balasy úshin osynaý ulttyq maqtanyshymyzdy muhıttyń ár jaǵynan kelgen kásipkerlerdiń dúnıejúzilik qundy mádenı mura retinde baǵalap otyrǵany ata-baba arýaǵynyń asqaqtaǵany dep bilemiz», dedi. Ǵalym, qalamger Asqar Egeýbaev kıiz úıdiń etnografııalyq mańyzyna toqtala kelip, «qazaq atam kóbine alty qanat aq ordany tutynyp keldi. Alty qanaty - Alty Alash qazaq balasyn, al 92 ýyq 92 rýdyń balasyn bir kúmbez, bir shańyraq astyna jınaý belgisin bildiredi», dedi ol.
9 jyl buryn (2005) Aqordada Elbasy Nursultan Nazarbaevty Reseıdiń jaratylystaný ǵylymdary akademııasynyń «Qoǵamdy damytýǵa qosqan úlesi úshin» úkimettik emes ordenimen marapattaldy. Ordendi Reseı jaratylystaný ǵylymdary akademııasynyń prezıdenti Oleg Kýznetsov, vıtse-prezıdentteri ıÝrıı Rahmanın jáne Valentın Tsoı tapsyrdy.
Reseıdiń jaratylys ǵylymdary akademııasynyń prezıdenti, KSRO Memlekettik syılyǵynyń laýreaty, akademık Oleg Kýznetsov atap aıtqandaı, Prezıdent Nursultan Nazarbaev shyn máninde kóp ultty Qazaqstannyń ǵana emes, Reseıdiń, búkil TMD elderi qoǵamynyń damýyna da úlken úles qosqan adam. Onyń aıtýynsha, atalmysh akademııanyń bul ordeni sheteldik Memleket basshysyna birinshi ret berilip otyr. Ordenniń bet jaǵynda janyp turǵan alaý - kóshbasshylyqtyń belgisi, onda «Pro bono publiko - jalpy barlyǵynyń jaǵdaıy úshin» degen maǵynany bildiretin sóz jazylǵan.
9 jyl buryn (2005) Almatyda Qazaqstan Respýblıkasynyń Prezıdenti janyndaǵy Strategııalyq zertteýler ınstıtýty ǵalymdarynyń jaryq kórgen zertteý eńbekteriniń tusaýkeseri boldy.
Ekonomıkalyq damýdyń ózekti máseleleri men halyqaralyq ekonomıkalyq uıymdarmen qatynas «Qazaqstan Respýblıkasy ekonomıkalyq reformalarynyń strategııasy» dep atalatyn taǵy bir ujymdyq eńbekte qarastyrylǵan. Jalpy mundaı irgeli zertteý el tarıhynda alǵash ret jazylyp otyr deýge bolady. Al, bólim meńgerýshisi Anton Morozovtyń «Qazaqstan táýelsizdik jyldarynda» dep atalatyn jeke zertteýi búgingi Qazaq memleketiniń jalpy bet-beınesin kórsetýge arnalyp otyr.
7 jyl buryn (2007) Astanadaǵy Prezıdenttik mádenıet ortalyǵynda kórnekti qoǵam qaıratkeri, ádebıet synshysy Saǵat Áshimbaevtyń eki tomdyq shyǵarmalar jınaǵynyń tusaýkeseri ótti.
Saǵat Áshimbaev qazaq ádebıeti men mádenıetiniń damýyna ózindik iz qaldyrǵan tanymal tulǵa. Onyń «Elorda» baspasynan shyqqan eki tomdyq jınaǵynda ádebıet synshysynyń oqyrman qaýymǵa keńinen tanymal, qazaq syn janryna jańa betburys ákelgen, onyń damýyna keń óris ashqan tereń oıly synı maqalalary men zertteýleri, fılosofııalyq oı-tolǵanystar men shyǵarmashylyq jolyndaǵy ózge de týyndylary jınaqtalǵan. Shyǵarmalardyń ekinshi kitabynda avtordyń ádebıet álemine óshpes mura qaldyrǵan, uly tulǵalar týraly zertteýleri jáne esse sıpatyndaǵy kórkem dúnıeleri toptastyrylǵan.
Saǵat Áshimbaev 1947 jyly Almaty oblysy Raıymbek aýdanynda týǵan. Qazaq memlekettik ýnıversıtetiniń fılologııa fakýltetin bitirgen. Onyń alǵashqy tyrnaqaldy maqalalary baspasóz betine 1966-1967 jyldary aýdandyq «Sovettik shekara», oblystyq «Jetisý» gazetterinde jarııalanǵan. Eńbek jolyn 1969 jyly «Jas alash» gazetiniń ádebıet jáne óner bóliminde ádebı qyzmetker bolyp bastap, keıin sol bólimniń meńgerýshisi bolǵan. 1973-1979 jyldary - «Juldyz» jýrnalynyń bólim meńgerýshisi, alqa múshesi, «Jas alash» gazeti redaktorynyń orynbasary. 1979-1986 jyldary - Búkilodaqtyq avtorlyq quqyq agenttigi (VAAP) Qazaq bólimshesiniń bastyǵy, Qazaqstan Jazýshylar odaǵynyń hatshysy, Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń alqa múshesi, KSRO Jazýshylar odaǵy janyndaǵy syn keńesiniń múshesi. 1986-1991 jyldary Qazaq KSR Televızııa jáne radıohabaryn taratý jónindegi memlekettik komıteti tóraǵasynyń orynbasary, tóraǵasy bolǵan. Ol 80-shi jyldardyń basynan teledıdarda «Júrekten qozǵaıyq» atty birneshe jylǵa sozylǵan tizbekti baǵdarlamanyń júrgizýshisi bolǵan. Al ózi teledıdarǵa qyzmetke kelgen tusta, osy habarlardyń zańdy jalǵasy retinde «Paryz ben qaryz» atty avtorlyq baǵdarlamasyn engizip, ony birneshe jyl turaqty túrde júrgizip otyrdy. Onyń Qazaqstannan tys turatyn qandastarymyzdyń arasynda túsirip qaıtqan «Qaýyshý» habary da kezinde óte joǵary baǵalandy.
Áshimbaevtyń negizgi taqyryby - syn janry. Onyń qalamynan týǵan zertteý-taldaý tujyrymy, kóńilge qonymdy syn maqalalary merzimdi baspasóz betinde júıeli jarııalanyp turdy. Synshynyń «Syn muraty», «Talantqa taǵzym», «Parasatqa qushtarlyq», «Shyndyqqa súıispenshilik», «Aqıqatqa ińkárlik» atty kitaptary jaryq kórgen.
Áshimbaevtyń esimi Raıymbek aýdanyndaǵy orta mektepke jáne Almaty qalasyndaǵy bir kóshege berilgen. Sonymen qatar Qazaqstan Jýrnalıster odaǵy taǵaıyndaǵan S.Áshimbaev atyndaǵy eń úzdik telehabarlarǵa beriletin júlde bar.
7 jyl buryn (2007) Ádilet mınıstrligi men Qazaqstan Respýblıkasy zańnamalar ınstıtýtynyń uıymdastyrýymen «Qazaqstan Respýblıkasynyń Konstıtýtsııasy - Qazaqstannyń turaqtylyǵy men gúldenýiniń negizi» taqyrybynda dóńgelek ústel ótti.
Onda jańadan ózgertýler engizý arqyly qabyldanǵan Ata zańymyzǵa ǵylymı túsiniktemeniń tanystyrylymy boldy. «Ata zańymyzǵa engizilgen ózgertýler óte zor maǵynaǵa ıe boldy jáne bul úrdistiń mańyzdylyǵy otandyq ǵalymdarmen qatar sheteldik kásibı mamandardyń tarapynan da joǵary baǵalanyp otyr. Osyǵan oraı Konstıtýtsııamyzdy tolyqtaı halyqaralyq talaptarǵa saı keledi, ári respýblıkamyzdyń odan ári damýyna oń áser etedi deýge bolady.
5 jyl buryn (2009) Memleket basshysy «Qazaqstan Respýblıkasy men Japonııa arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly Konventsııany jáne oǵan Hattamany ratıfıkatsııalaý týraly» Qazaqstan Respýblıkasynyń Zańyna qol qoıdy.
ESІMDER
14 6 jyl buryn (1868-1906) túrkitanýshy, Sankt-Peterbor ýnıversıtetiniń professory MELIORANSKII Platon Mıhaılovıch dúnıege keldi.
Sankt-Peterbor qalasynda týǵan. Sankt-Peterbor ýnıversıteti shyǵystaný fakýltetiniń arab, parsy-tatar tilderi bólimin bitirgen. Ǵylymı-zertteý eńbekteri túrki tilderiniń tarıhy men kóne eskertkishterin jáne aýyz ádebıeti úlgilerin tildik turǵydan taldaýǵa arnalǵan. Ǵalym Orynbor men Torǵaı oblysy qazaqtarynyń tili men aýyz ádebıetin zerttep «Qazaq maqaldary men jumbaqtary» jáne eki bólimnen turatyn «Qazaq-qyrǵyz tiliniń qysqasha grammatıkasy» eńbekterin jazdy. Atalmysh eńbektiń «Sıntaksıs» bólimi frantsýz tiline aýdaryldy. 1904 jyly Sh.Ýálıhanov jazyp alǵan «Edige» jyrynyń nusqasyna jasaǵan tekstologııalyq taldaý eńbegi Sankt-Peterbor qalasynda jaryq kórdi. Onyń taǵy bir zer salǵan máselesi túrki tilderiniń salystyrmaly-tarıhı grammatıkasyn jasaý isi boldy. Osy rette ol tarıhı-etnografııalyq, lıngvıstıkalyq túsinik bere otyryp, onnan astam eskertkishtiń mátinin jarııalady. Ol kóne Orhon jazýlarynyń mátinin aýdaryp, olarǵa lıngvıstıkalyq turǵydan taldaý jasady. Melıoranskıı túrkitanýshylar arasyndaǵy alǵashqy lıngvıst-ǵalym boldy jáne eńbekterin qazaq tili materıaldary negizinde jazdy.
9 6 jyl buryn (1914-2001) ǵalym, geologııa-mıneralogııa ǵylymdarynyń doktory, professor, Qazaq KSR-i ǴA-nyń akademıgi, Qazaq KSR-iniń eńbek sińirgen ǵylym qaıratkeri ŞERBA Grıgorıı Nıkıforovıch dúnıege kelgen.
Ýkraınada týǵan. Qazaq taý-ken ınstıtýtyn (qazirgi QazUTÝ) bitirgen.
1937-1948 jyldary «Qaztústimetalbarlaý» tresinde aǵa jáne bas ınjener. 1948-1958 jyldary Qazaq KSR Ǵylym Akademııasy Geologııa ǵylymdary ınstıtýtynyń aǵa ǵylymı qyzmetkeri, dırektordyń orynbasary, bólim, laborotorııa meńgerýshisi qyzmetterin atqarǵan.
Ǵalym Saryarqanyń metallogendi jáne boljam kartasy avtorlarynyń biri. Ol jer qyrtysynyń túzilýi men damýy teorııasyna jer qyrtysynyń satylyq damýy baǵytyn engizdi. 330-dan astam ǵylymı eńbektiń, onyń ishinde 28 monografııanyń avtory.
Lenın, Kazaq KSR-i jáne KSRO Memlekettik syılyqtarynyń laýreaty.
Eńbek Qyzyl Tý, «Qurmet belgisi» ordenderi jáne birneshe medaldarmen marapattalǵan.
6 6 jyl buryn (1948) QR Ulttyq olımpıada komıtetiniń vıtse-prezıdenti NOVIKOV Pavel Maksımovıch dúnıege keldi.
Tájikstannyń Gıssar qalasynda týǵan. V.I.Lenın atyndaǵy Qazaq polıtehnıkalyq ınstıtýtynyń ınjenerlik-qurylys fakýltetin bitirgen. Keńes Odaǵynyń Marshaly I.S.Konev atyndaǵy Almaty joǵary jalpy áskerı komandalyq ýchılışesin syrttan oqyp bitirdi. Qazaq memlekettik dene shynyqtyrý ınstıtýtynyń sport fakýltetin bitirgen.
1972 jyldan KSRO Qarýly Kúshteri qatarynda merzimdi áskerı qyzmette boldy. 1974 jyldan Qarýly Kúshterde áskerı qyzmette boldy (qatardaǵy jaýyngerden generalǵa deıin): 42-shi sport rotasynyń sportshysy, sport klýbynyń jattyqtyrýshy-nusqaýshysy, sporttyq rota komandıri, armııanyń 12-shi sport klýby bastyǵynyń orynbasary. 1987 jyldan - Orta Azııa áskerı okrýgi armııa sport klýbynyń bastyǵy. 1990 jyldan KSRO Qorǵanys mınıstrliginiń TsSKA Almaty fılıalynyń bastyǵy. 1992 jyldan QR Qorǵanys mınıstrliginiń TsSKA bastyǵy. Qazaqstan fýtbol odaǵy tehnıkalyq komıtetiniń tóraǵasy. Sondaı-aq, QR tennıs federatsııasy men jeńil atletıka federatsııasynyń prezıdenti boldy.
KSRO sport sheberi. Qazaqstan, Qyrǵyzstan, Tájikstan eńbek sińirgen jattyqtyrýshysy. ІІІ dárejeli «Otanǵa qyzmet etkeni úshin», «Qyzyl juldyz», «Qurmet», «Dańq» ordenderimen, 18 medalmen, QazaqKSR Joǵarǵy Keńesiniń gramotasymen marapattalǵan.
6 2 jyl buryn (1952) QR Joǵarǵy sotynyń sýdıasy TUMABEKOV Dúısen Ábdirahmanuly dúnıege keldi.
Jambyl qalasynda týǵan. S.M.Kırov atyndaǵy Qazaq memlekettik ýnıversıtetin bitirgen, zańger. 1977-1979 jyldary - Jambyl óndiristik-tehnıkalyq baılanys basqarmasynda óndiristik zerthana meńgerýshisi. 1979-1981 jyldary - Jambyl óndiristik-tehnıkalyq baılanys basqarmasynda óndiristik zerthana zańgeri.1981-1985 jyldary - Jambyl oblysy Ortalyq aýdany prokýratýrasynda tergeýshi, aǵa tergeýshi. 1985-1986 jyldary - «Qazalantereıtorg» Jambyl bazasynda zańger. 1986-1988 jyldary - «Jambylqurylys» tresinde zań keńesshisi. 1988-1990 jyldary - Jambyl oblystyq kásipodaqtar keńesinde bas quqyqtyq eńbek ınspektory- quqyqtyq bólim meńgerýshisi. 19901994 jyldary - Jambyl oblystyq ádilet basqarmasy bastyǵynyń birinshi orynbasary. 1994-1996 jyldary - Jambyl qalasy Zaýyt aýdandyq sotynyń sýdıasy. 1996-2000 jyldary - Jambyl qalasy sotynyń sýdıasy. 2000-2002 jyldary - Jambyl oblystyq sotynyń sýdıasy. 2002-2007 jyldary - Jambyl oblystyq sotynyń azamattyq ister alqasynyń tóraǵasy. 2007-2009 jyldary - Astana qalasy sotynyń sýdıasy. Qazirgi qyzmetinde - 2009 jylǵy qyrkúıekten beri.
«Qazaqstan Konstıtýtsııasyna 10 jyl» medalimen marapattalǵan.
30 jyl buryn (1984) sportshy, jeńil atlet, QR olımpıadalyq quramasynyń múshesi, London olıpıadasynda sekirýden altyn medal ıegeri RYPAKOVA Olga Sergeevna dúnıege keldi.
Óskemen qalasynda týǵan. Qazaq sport jáne týrızm akademııasynyń olımpıadalyq sport túrleri fakýltetin bitirdi, jeńil atletıkadan jattyqtyrýshy-oqytýshy.
1994 jyldan Óskemendegi №4 balalar men jasóspirimder sport mektebiniń jeńil atletıkadan sportshysy. 2000 jyldan Óskemen qalasyndaǵy «Shyǵys Qazaqstan oblystyq mamandandyrylǵan balalar men jasóspirimder olımpıadalyq rezervter sport mektebinde sporttyq daıyndyqtan ótti.
XVI Azııa oıyndarynyń altyn, kúmis júldegeri. QR kópsaıysynan birneshe márte jeńimpazy jáne júldegeri. Jasóspirimder arasyndaǵy álem chempıonatynda (Vengrııa, 2001) 4-oryn aldy, álem chemıonatynyń kúmis júldegeri (ıAmaıka, 2002); І Azııalyq jetisaıys oıyndarynyń chempıony jáne basqa da kóptegen halyqaralyq jarystarda jeńimpaz jáne júldeger atandy. Beıjiń Olımpıadasynda 4-oryndy ıelendi.
1 40 jyl buryn (1874-1965) brıtan memleket jáne saıası qaıratkeri, Nobel syılyǵynyń laýreaty Ýınston ChERChILLЬ dúnıege keldi.
80 jyl buryn (1934-2009) keńestik jáne reseılik teatr jáne kıno akteri, KSRO halyq ártisi NEVINNYI Vıacheslav Mıhaılovıch dúnıege keldi.
7 8 jyl buryn (1936) keńestik jáne reseılik telejúrgizýshi, televıdenıe dıktory, RSFSR eńbek sińirgen ártisi JILЬTsOVA Svetlana Alekseevna dúnıege keldi.