30 qańtarda Konstıtýtsııalyq komıssııanyń kelesi otyrysy ótedi

ASTANA. KAZINFORM — 30 qańtarda Konstıtýtsııalyq reformalar jónindegi komıssııanyń kelesi otyrysy ótedi. Bul týraly Konstıtýtsııalyq sot tóraǵasy Elvıra Ázimova málim etti. 

— Búgin kóptegen baıandamada mátin jobasyna qatysty mazmundy usynystar aıtyldy. Olardy komıssııa jumysy aıasynda qarastyrý jáne kelisilgen ustanymdardy ázirleý qajet dep sanaımyn. Sondyqtan búgingi talqylaý nátıjesi boıynsha aıtylǵan usynystardy eskere otyryp, pysyqtalǵan jobanyń mátini ázirlenetin bolady. Konstıtýtsııalyq komıssııanyń kelesi otyrysy 30 qańtarda ótedi. Otyrystyń ýaqytyn qosymsha habarlaımyz, — dedi E. Ázimova.

Aıta keteıik, búgin Konstıtýtsııalyq reformalar jónindegi komıssııanyń (Konstıtýtsııalyq komıssııa) kezekti otyrysy ótti. 

Al ótken aptada Konstıtýtsııalyq komıssııanyń alǵashqy otyrysy ótip, bir palataly «Quryltaıdyń» fýnktsııasy men quramy, vıtse-prezıdent laýazymynyń memlekettik bıliktegi orny, zań shyǵarý bastamasyn kóterýge haqyly «Halyq keńesiniń» quzyreti qandaı bolatyny aıtylǵan edi.