30 qańtarda Qazaqstannyń 7 qalasynda aýa sapasy nasharlaıdy
NUR-SULTAN. QazAqparat – 30 qańtar kúni Qazaqstan qalalarynyń basym bóliginde aýa sapasy qalypty bolady, dep habarlaıdy QazAqparat.
«Qazgıdromet» RMK-nyń málimetterine qaraǵanda, Qaraǵandy, Qyzylorda, Nur-Sultan, Petropavl, Semeı, Óskemen jáne Shymkent qalalarynda aýanyń lastanýy baıqalady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
