30 qańtarda Astana men Almatyda ótetin mańyzdy sharalar

ASTANA

Tańǵy saǵat 9:30-da QR Ulttyq ekonomıka mınıstrligi janyndaǵy ekonomıkalyq zertteýler ınstıtýty men QR Tuńǵysh Prezıdenti - Elbasy qoryna qarasty Álemdik ekonomıka men saıasat ınstıtýty ǵylymı konferentsııa ótkizedi. Sol jerde saraptamalyq jumystyń tıimdiligi, ınstıtýttar men ortalyqtardyń qyzmeti keńinen talqylanady.

10:00-de «Rýxanı jańǵyrý» baǵdarlamasyn basqarý keńsesinde «Qazaqstannyń jalpyulttyq kıeli jerleri» men «Qazaqstannyń aımaqtyq kıeli jerleri» jınaqtarynyń tanystyrylymy uıymdastyrylady.

10:00-de Úkimettiń kezekti otyrysy bastalady. Kúntártibinde - Qazaqstan Respýblıkasynyń Úkimeti men Ulttyq banktiń 2018 jylǵa arnalǵan ekonomıkalyq saıasattyń negizgi baǵyttary týraly birlesken málimdemesi, agroónerkásip keshenin tsıfrlandyrý, básekelestikti damytý, sondaı-aq ulttyq quramanyń Pxenchxan qalasyndaǵy XXIII Olımpıada oıyndaryna daıyndyq máselesi.

11:15-de QR Parlamenti Senatynyń Halyqaralyq qatynastar, qorǵanys pen qaýipsizdik komıtetiniń keńeıtilgen otyrysy ótkiziledi. Sol jerde «Qazaqstan Respýblıkasynyń Úkimeti men Birikken Ulttar Uıymy arasyndaǵy Soltústik jáne Ortalyq Azııanyń aımaq ishindegi bólimshesi boıynsha ákimshilik pen qarjylyq sharalarǵa qatysty kelisimdi ratıfıkatsııalaý týraly» zań jobasy qaralady.

12:30-de Astananyń Ulttyq tennıs ortalyǵynda Devıs Kýbogynyń 1/8 fınalyna arnalǵan baspasóz máslıxaty ótedi.

13:00-de «Qazaqstan temir joly» ulttyq kompanııasynyń bas keńsesinde QR Premer-Mınıstriniń birinshi orynbasary Asqar Mamınniń tóraǵalyǵymen kólik-logıstıka kesheniniń tıimdiligin arttyrý máselelerine arnalǵan respýblıkalyq keńes ótedi.

15:00-de «Nur Otan» partııasynyń respýblıkalyq, aımaqtyq jáne terrıtorıaldyq qoǵamdyq qabyldaý bólimderinde QR Prezıdenti N. Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty xalyqqa Joldaýy men «Táýelsizdik dáýiri» kitaby talqylanady. Atalǵan sharalarǵa Qazaqstan xalqy Assambleıasy men ǵylymı ıntellıgentsııanyń ókilderi qatysady.

16:00-de QR Parlament Májilisiniń ekologııa jáne tabıǵatty paıdalaný komıtetinde «Gaz jáne gazben qamtamasyz etý týraly» zań jobasy tanystyrylady.

16:30-da QR Ulttyq mýzeıde «Parlamentarızmniń damý negizderi. Qazaqstan men Germanııa konstıtýtsıalızmniń tarıxy» taqyrybynda semınar ótedi. Sharanyń uıymdastyrýshylary - Ulttyq mýzeı men Konrad Adenaýer atyndaǵy qor.

17:00-de Holokost qurbandaryn eske alý kúnine arnalǵan kórme ashylady. Sharanyń uıymdastyrýshylary - Izraıl elshiligi men QR Tuńǵysh Prezıdenti-Elbasynyń kitapxanasy.

ALMATY

9:30-da «Qazaqstan» qonaq úıinde Qazaqstannyń tamaq ónerkásibi salasyndaǵy básekelestik máselelerine arnalǵan dóńgelek ústel ótedi.

11:00-de Dostyq úıinde Qazaqstan xalqy Assambleıasynyń respýblıkalyq keńesi uıymdastyrylady.

11:00-de keden jáne salyq zańnamasyndaǵy ózgeristerge arnalǵan semınar-keńes ótedi.

11:30-da Biryńǵaı jınaqtaýshy zeınetaqy qory baspasóz máslıxatyn ótkizedi.