30 qańtar. Týǵan kún ıeleri

ASTANA. QazAqparat - Búgin, ıaǵnı 30 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

55 jyl buryn (1964) Qazaqstan Respýblıkasy Qarýly Kúshteriniń joǵarǵy qolbasshylyǵynyń ókili, general-maıor Ámir Qasymbekuly HALYQOV dúnıege kelgen.

Ol Qostanaı oblysynda týǵan. Chelıabınsk joǵary tank ýchılışesin (1985); Brondy tanki áskerleri áskerı akademııasyn (1996); RF QK Bas shtabynyń Áskerı akademııasyn (2009) bitirgen.

GDR-daǵy (Shyǵys Germanııa) áskerı bólimde vzvod, rota komandıri (1985-1989); QR QM Saryózek tank batolony komandırinin orynbasary (1991-1992); Almaty tank batalony komandıri (1992-1996); Úsharal motoatqyshtar brıgadasynyń komandıri (1996-1999); QR QM Saryózek dıvızııa shtabynyń bastyǵy (1999-2000); Aıagózdegi mehanıkalandyrylǵan dıvızııanyń komandıri, «Shyǵys» óńirlik qolbasshylyǵy áskerleriniń qolbasshysynyń birinshi orynbasary (2000-2007); «Batys» óńirlik qolbasshylyǵy áskerleriniń qolbasshysy (2009-2010); QR Qarýly Kúshteri Qurlyqtaǵy áskerler Bas qolbasshysynyń áskerı daıyndyq jónindegi orynbasary - áskerı daıyndyq bas basqarmasynyń bastyǵy (2010 jyldan).

ІІ dárejeli «Dańq» ordenimen; kóptegen medaldarmen nagradtalǵan.

40 jyl buryn (1979) Qazaqstan Respýblıkasy Joǵary Sot Keńesiniń múshesi Lázzat Serikqyzy KÝDEKOVA dúnıege keldi.

Almaty oblysynyń Qaskeleń qalasynda týǵan. 1999 jyly Qazaq memlekettik zań ýnıversıtetiniń zań fakýltetin bitirdi.

1999 jylǵy qazan - 2007 jylǵy kazan - Qazaqstan Respýblıkasy Joǵarǵy Sot apparatynda túrli laýazymdarda qyzmet atqardy: referent, konsýltant-hatshy, konsýltant, Joǵarǵy Sottyń qadaǵalaý alqasynyń bas konsýltanty.

2007 jylǵy qazannan bastap qazirgi ýaqytqa deıin - Astana qalasy Almaty aýdandyq sotynyń sýdıasy.

Qazirgi qyzmetinde 2016 jyldyń aqpanynan beri.