«30 ıgi is»: Atyraýda 700 otbasy jyl boıy azyq-túlikpen qamtylady

ATYRAÝ. QazAqparat – Atyraýda 700 otbasy jyl boıy azyq-túlikpen qamtylady. Bul týraly Atyraýda «30 ıgi is» qaıyrymdylyq marafony bastalǵanda belgili boldy, dep habarlaıdy QazAqparat.

Osynaý qaıyrymdylyq sharasyna jergilikti máslıhattardyń depýtattary qoldaý bildirip otyr. Atyraý qalalyq máslıhatynyń 18 depýtaty az qamtylǵan 18 otbasyny jyl aıaǵyna deıin azyq-túlik sebetimen qamtamasyz etpek. Al, Inder aýdandyq máslıhatynyń depýtaty, jeke kásipker Aqjibek Kerimbaıqyzy 100 otbasyny qamqorlyǵyna aldy.

Jylyoı aýdanynyń «Teńiz» kenishindegi merdiger mekemelerdiń biri – «SSER» kompanııasynyń ókili Oraq Bısembıev 100 múshesi bar birneshe januıanyń árqaısysyna 10 myń teńgeniń azyq-túlik sertıfıkatyn tabystady.

«Bizdiń kompanııa qamqorlyqty qajet etetin otbasylarǵa udaıy demeýshilik kómek kórsetip keledi. Mundaı qoldaý aldaǵy ýaqytta jalǵasa beredi», - deıdi Oraq Bısembıev.