30 gradýs aıaz: QazAavtoJol jolaýshylar avtobýsynyń qozǵalysyna tyıym salady
ASTANA. QazAqparat – «QazAavtoJol» UK» AQ taıaý aptada aýa temperatýrasy -30 gradýsqa deıin tómendeýine baılanysty júrgizýshilerge úndeý joldady, dep habarlaıdy QazAqparat.
«Sınoptıkterdiń boljamyna sáıkes aldaǵy aptada elimizde qatty aıaz bolyp, aýa temperatýrasy -30 gradýsqa deıin tómendeıdi dep kútilýde. Dızelmen júretin kólikterdiń otyn júıesi qatyp qalýy yqtımal. Osyǵan baılanysty respýblıkalyq mańyzdaǵy kúre joldarda shtattan tys jaǵdaılardy boldyrmaý úshin ulttyq operator birqatar óńirde dızelmen júretin júk jáne qoǵamdyq kólikterdiń qozǵalysyna shekteý engizedi.
Respýblıkalyq avtojoldardy paıdalanýshylardy alys saparǵa shyqpaýǵa jáne aýa raıy boljamyn jiti baqylap otyrýǵa shaqyramyz», - delingen kompanııa málimetinde.
Eske salaıyq, avtojoldar boıynsha ahýaldy «1403» baılanys ortalyǵyna qońyraý shalý arqyly bilýge bolady.
