30 gradýs aıaz: Eldiń birneshe óńirinde jol jabyldy

ÓSKEMEN. QazAqparat - Qazaqstannyń birneshe óńirinde jol jabyldy, dep habarlaıdy QazAqparat tilshisi.

Abaı oblysyndaaýa temperatýrasynyń 30 gradýsqa deıin tómendeýine baılanysty joldar jabyldy.

Atap aıtqanda, «Omby-Maıqapshaǵaı» tasjolynyń 587-733 shaqyrymy (Pavlodar oblysynyń shekarasy men Semeı qalasynyń aralyǵy), «Semeı-RF shekarasy» tasjolynyń 3-113 shaqyrymy, «Semeı-Qaınar» tasjolynyń 8-266 shaqyrymy, «Óskemen-Semeı» tasjolynyń 10-198 shaqyrymy (Gerasımovka aýyly men Semeı aralyǵy) jolaýshylar tasymaldaıtyn avtobýstar men dızeldi jeńil kólikteri úshin jabyldy.

Shyǵys Qazaqstandaatalǵan kólik túrlerine «Óskemen-Shemonaıha-Reseı Federatsııasynyń shekarasy» tasjolynyń 15-102,105-123 shaqyrymdarynda júrýge tyıym salynǵan.

Pavlodar oblysynda «Omby-Maıqapshaǵaı» tasjolynyń 427-587 shaqyrymynda avtobýstar men dızel otynymen júretin jeńil kólikterdiń qozǵalysy shekteldi.

Bul - Kenjekól kenti men Abaı oblysynyń shekarasyndaǵy jol.