30 ǵylymı joba eksportqa shyqty: Qazaq ǵalymdarynyń ázirlemeleri shetelderde suranysqa ıe
ASTANA. KAZINFORM – Qazaq ǵalymdary ázirlegen 30 ǵylymı joba sheteldik naryqqa shyqty. Bul týraly Ǵylym jáne joǵary bilim mınıstrliginen málim etti.
Vedomstvo «Ǵylym qory» AQ granttyq baǵdarlamalar aıasynda óndiriske engizilgen, naryqta suranysqa ıe jáne óziniń eksporttyq áleýetin dáleldegen biregeı ǵylymı ázirlemelerdi iske asyryp jatqanyn atap ótedi.
- Eksportqa baǵdarlanǵan jobalardyń 30-y eksportqa shyqty. Bul rette 8 jobanyń satylym kólemi 1 mlrd teńgeden asty. Otandyq taýarlar Reseı Federatsııasy, Qytaı, Ózbekstan jáne Grýzııa naryqtaryna jetkiziledi. Eksporttyń negizgi kólemi agroónerkásiptik keshenge (55%) jáne hımııa ónerkásibine (45%) tıesili, - dedi mınıstrlikten agenttiktiń resmı saýalyna oraı.
Usynylǵan málimetke qaraǵanda, olardyń qatarynda ónerkásiptik jáne aýyz sýdy tereń tazartýdyń otandyq júıeleri, resýrstardy qaıta óńdeý jáne qaldyqsyz óndiris tehnologııalary bar.
Bıotehnologııalar jáne AÓK salasynda aýyl sharýashylyǵy daqyldarynyń shyǵymdylyǵyn arttyrýǵa arnalǵan bıologııalyq preparattar, otandyq selektsııalyq sorttar, ósimdikterdi qorǵaý quraldary jáne joǵary tıimdi emdeý-aldyn alý jemshóp qospalary óndiriske engizildi.
Hımııa jáne jańa materıaldar salasynda taý-ken óndirý ónerkásibine arnalǵan otandyq hımııalyq reagentter, arnaıy jabyndar men kompozıttik materıaldar ázirlenip, patentteldi.
Ǵylymı ázirlemelerdiń shetel naryǵyna shyǵýy otandyq ǵylymnyń óndiris pen bızneske ıntegratsııalanyp, kommertsııalyq ónimge aınalyp kele jatqanyn kórsetedi.
Buǵan deıin elimizde ǵylymı-ınnovatsııalyq qyzmetke ınvestıtsııalar tartý jónindegi vedomstvoaralyq is-qımyl jospary ázirlengenin jazǵan edik.
