30-dan astam JOO bilim berý tapsyrysy ornalastyrylatyn tizimnen alynyp tastaldy

NUR-SULTAN. QazAqparat - 30-dan astam joǵary oqý orny memlekettik bilim berý tapsyrysyn ornalastyrýǵa jiberilmedi, dep habarlaıdy QazAqparat QR Bilim jáne ǵylym mınıstrliginiń Telegram-daǵy paraqshasyna silteme jasap.

«Joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik tapsyrysty ornalastyrý jónindegi Respýblıkalyq konkýrstyq komıssııanyń quramyna Parlament depýtattary, múddeli memlekettik organdar, «Atameken» QR UKP men QR Joǵary oqý oryndary qaýymdastyǵynyń ókilderi, qoǵam qaıratkerleri, onyń ishinde QR Prezıdenti janyndaǵy Ulttyq qoǵamdyq senim keńesiniń músheleri kirdi.
Respýblıkalyq komıssııanyń sheshimi boıynsha konkýrs talaptaryna sáıkes kelmeıtin 30-dan astam joǵary oqý orny 2020-2021 oqý jylyna arnalǵan memlekettik bilim berý tapsyrysy ornalastyrylatyn JOO tiziminen alyp tastaldy. Baıqaýǵa barlyǵy 108 JOO qatysty. Memlekettik tapsyrys ornalastyrylǵan JOO-lardyń sany qysqardy», delingen habarlamada.
Vedomstvonyń málimetinshe, tapsyrysty ornalastyrý kezinde eskerilgen talaptar JOO-ny bilim berý baǵdarlamalary boıynsha akkredıtteý, túlekterdiń jumysqa ornalasýy, baǵdarlamalardyń sapasy jáne JOO-nyń «Atameken» UKP reıtıngindegi pozıtsııasy.