30 balanyń ákesi alıment tóleýden bas tartyp otyr
ASTANA. 22 mamyr. QazAqparat - Amerıkanyń Tennesı shtatynda 33 jastaǵy Desmond Hetchett (Desmond Hatchett) sotqa aryzdandy.
Onyń aryzy sot tóreshilerin tańqaldyrdy. 30 balanyń ákesi atanǵan Desmond sottan ony alıment tóleýden bosatýdy surap otyr.
WREG-TV habarlaǵandaı, óziniń ótinishin ol qazirgi ýaqytta jalaqysynyń jartysynan kóbin birneshe áıelderden týǵan 30 balasyna beretindigimen túsindirdi. Onyń uldarynyń eń úlkeni 14-te bolsa, eń kishi tórteýi bir jasqa da tolmaǵan. Desmondtyń alatyn jalaqysy kóp te emes. Sondyqtan da alımentterdiń mólsherleri sáıkesinshe az. Onyń sońǵy balalary aıyna nebári 1,49 dollardan alady.
