3 jylda eki myńǵa jýyq qazaqstandyq shetelde kóz jumdy - SІM
ASTANA. 19 jeltoqsan. QazAqparat - Statıstıka súıensek, sońǵy 3 jylda eki myńǵa jýyq qazaqstandyq shetelde kóz jumǵan. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıng barysynda QR Syrtqy ister mınıstri Erlan Ydyrysov málim etti.
Mınıstrdiń aıtýynsha, shetelde kóz jumǵan qazaqstandyqtardyń 95 paıyzy TMD elderinde qaıtys bolǵan.
«Qazir sapar jasaýǵa qaýipti elder týraly jedel aqparat taratatyn saıt ázirlenip jatyr. Sonymen qatar, Sırııada, jaqynda ǵana qaqtyǵystar oryn alǵan Taıland pen Mysyrǵa sapar jasaý qaýipti bolyp tabylatyny azamattarǵa der kezinde aqparat taratyp jatyrmyz. Árıne, kim qaıda baramyn dese de erki, bizdiń azamattarymyz qalaǵan jerlerine bara alady. Degenmen, biz olardy saqtandyrýǵa jáne qıyn jaǵdaıǵa dýshar bolǵanda qandaı shara qoldanýy tıis ekenderi týraly habardar etýge mindettimiz», - dedi SIM basshysy.
