3 jylda bızneske zańsyz aralasqan 318 laýazymdy tulǵa sottaldy
«Agenttik memlekettik organdardyń shaǵyn jáne orta bıznes qyzmetine zańsyz aralasý faktileriniń jolyn kesý boıynsha belsendi jumys júrgizýde. Sońǵy 3 jylda osy baǵytta 914 faktiniń jolyn kesti. 625 laýazymdy tulǵa jaýapqa tartyldy, 318-i sottaldy. Qabyldanǵan sharalar 1000-nan asa kásipkerdiń quqyǵyn qorǵaýǵa múmkindik berdi», - dedi ol.
Onyń atap ótýinshe, zańsyz is-áreketterdiń 727-si paraqorlyqpen, 77-si alaıaqtyqpen, jáne 36-sy laýazymdyq ókilettikterin asyra paıdalanýmen baılanysty bolyp otyr. Memlekettik satyp alý rásimderin ótkizý kezinde sybaılas jemqorlyq táýekelderiniń oryn alýy jalǵasýda. Mysaly, Qostanaı oblysynda oblystyq onkologııalyq dıspanserdiń bas dárigeri Naýryzov 4 jylǵa jáne onyń orynbasary Bópejanov 3 jylǵa bas bostandyǵynan aıyryldy.
«Olar zerthanalyq zertteýler júrgizý úshin dári-dármekterdi jetkizý boıynsha qujattarǵa kedergisiz qol qoıǵany úshin JShS ókilinen 4,4 mln teńge kóleminde para alǵan. Sonymen qatar, sanıtarlyq-epıdemıologııalyq jáne veterınarlyq baqylaýdy júzege asyratyn laýazymdy tulǵalar para úshin tikeleı mindetterine qaıshy kele otyryp, naqty tekserýsiz jáne zerthanalyq zertteýler júrgizbeı, zańsyz anyqtama-qorytyndy bergen», - dedi agenttiktiń aǵa tergeýshisi.