3 jyl ishinde Qazaqstan aýyldaryna joǵary jyldamdyqty ǵalamtor jetkiziledi
ASTANA. QazAqparat - Qazaqstan aýyldarynda úsh jyl ishinde optotalshyqty jeli paıda bolady, bul 3,2 mln. abonenttiń sekýndyna 20 Mbıt jyldamdyqpen ǵalamtorǵa qoljetimdiligin qamtamasyz etedi. Bul týraly Kazpravda.kz-ke bergen eksklıýzıvti suhbatynda QR Baılanys jáne aqparat agenttiginiń tóraǵasy Asqar Jumaǵalıev aıtty.
«Búgin aýyldarda Ǵalamtor EVDO, sondaı-aq ADSL jáne FTTN tehnologııasy boıynsha taralady, ol sekýndyna 3 Mbıt jyldamdyq beredi. Budan basqa, 1150 aýylda baılanystyń optotalshyqty jelileri arqyly qazirde 3,2 mıllıon adam ǵalamtormen qamtylǵan. Kelesi jyly «Qazaqtelekom» AQ-men birlesip biz «Aýyldaǵy optıkamen» aýqymdy jobany bastaýdy josparlap otyrmyz. Ony iske asyrý keıingi úsh jyl ishinde aýyldyq jerlerde optotalshyqty jeli salýdy boljaıdy, bul taǵy da 3,2 mln. abonenttiń sekýndyna 20 Mbıt jyldamdyqpen Ǵalamtorǵa qoljetimdiligin qamtamasyz etedi», - dep oıymen bóliti BAA basshysy.
Ol bastapqy kezeńde 1 328 aýyldyq eldi mekenderdiń 2,3 mıllıon turǵynyn qamtamasyz etetinin atap ótti, keıinnen 2 600 eldi mekendi qamtıtyn bolady.
