Syrt memleketterge iri qara mal etin eksporttaýǵa ruqsat kúshine endi

ASTANA. KAZINFORM — 3 jeltoqsannan bastap Qazaqstan aýmaǵynan úshinshi elderge jáne EAEO elderine ІQM etin áketýge kvotalar bólý qaǵıdalary kúshine endi. Atalǵan norma 2025 jylǵy 31 jeltoqsanyna deıin qoldanylady. Bul týraly AShM málim etti.

Vedomstvonyń málimetinshe, ІQM etin áketýge arnalǵan sandyq lımıt 13 000 tonnany quraıdy.

Bir tulǵaǵa arnalǵan kvota mólsheri bordaqylaý alańynyń qýattylyǵyna baılanysty mynadaı mólsherde belgilenedi:

bordaqylaý alańynyń qýattylyǵy 5 000 (bes myń) bastalǵanda — 1 000 (bir myń) tonna;

bordaqylaý alańynyń qýattylyǵy 10 000 (on myń) bastalǵanda — 2 000 (eki myń) tonna;

bordaqylaý alańynyń qýattylyǵy 15 000 (on bes myń) bastalǵanda — 3 000 (úsh myń) tonna;

bordaqylaý alańynyń qýattylyǵy 20 000 (jıyrma myń) bastalǵanda — 4 000 (tórt myń) tonna.

Kvota óziniń bordaqylaý alańynan mal basyn paıdalaný kezinde et óńdeýshi kásiporynnyń iri qara malynyń etine bólinedi.

Kvota mynadaı ólshemsharttarǵa sáıkes keletin jeke jáne/nemese zańdy tulǵalarǵa (onyń ishinde eksporttyq kompanııalarǵa) bólinedi:

esepke alý nómiri bar et kombınatynyń bolýy;

birjolǵy qýaty keminde 5 000 (bes myń) bas iri qara mal bolatyn, esepke alý nómiri bar jeke bordaqylaý alańynyń bolýy, maldyń jasy keminde 12 (on eki) aı, aýyl sharýashylyǵy janýarlaryn sáıkestendirý derekqorynda tirkelgen, bordaqylaý uzaqtyǵy keminde 4 (tórt) aı bolýy, sondaı-aq osy iri qara mal basynda qulaq syrǵalary túrinde radıojelilik belgisimen sáıkestendirýdiń bolýy (RFID). Bólý sátindegi kvota kólemin esepteý jáne joǵaryda kórsetilgen ólshemsharttarǵa sáıkes bir bastyń ortasha tiri salmaǵy 200 (eki júz) kılogramm bolyp aıqyndalady;

syrtqy ekonomıkalyq kelisimsharttarynyń bolýy.

— Kvotalar «E-lıtsenzııalaý» portalynda bólinedi jáne «Sandyq shekteýler (kvotalar) engizilgen kezde taýarlardyń jekelegen túrleriniń eksportyna jáne (nemese) ımportyna lıtsenzııa berý» memlekettik qyzmet kórsetý qaǵıdalaryna sáıkes jekelegen taýar túrlerin eksporttaýǵa lıtsenzııa alý kezinde avtomatty túrde beriledi, — delingen habarlamada.

Lıtsenzııa ıeleri lıtsenzııanyń qoldanylý merzimi ótkennen keıin kúntizbelik 15 kún ishinde ýákiletti organǵa Eýrazııalyq ekonomıkalyq komıssııa keńesiniń 2023 jylǵy 24 qarashadaǵy № 125 sheshimimen bekitilgen Úshinshi eldermen saýdada tarıftik emes retteý sharalary qoldanylatyn taýarlardyń biryńǵaı tizbesine engizilgen taýarlardyń eksportyna jáne (nemese) ımportyna lıtsenzııalar men ruqsattar berý qaǵıdalaryna № 3 qosymshaǵa sáıkes nysan boıynsha taýarlardyń eksportyna jáne (nemese) ımportyna lıtsenzııanyń oryndalýy týraly anyqtamany usynady.

«Sandyq shekteýler (kvotalar) engizilgen kezde jekelegen taýar túrlerin eksporttaýǵa jáne (nemese) ımporttaýǵa lıtsenzııa berý» memlekettik qyzmetin kórsetý qaǵıdalarymen tolyǵyraq silteme arqyly tanysýǵa bolady.

Eske sala keteıik, buǵan deıin depýtat Qyryqbaev et eksportyna salynǵan tyıymdy joıýdy suraǵan edi.