3 jeltoqsanda respýblıka joldaryndaǵy ahýal qandaı
ALMATY. KAZINFORM — «QazAvtoJol» birqatar baǵyt boıynsha qozǵalys jandanǵanyn habarlady. Alaıda keıbir joldarda qozǵalysqa áli de tyıym salynyp otyr.
Ulttyq kompanııanyń málimetinshe, 2025 jylǵy 3 jeltoqsanda kelesi respýblıkalyq mańyzy bar avtojoldarda kóliktiń barlyq túri úshin qozǵalys ashyldy:
Aqtóbe oblysy
«RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-1240-shaqyrym aralyǵyndaǵy ýchaskesinde (Ekoıl janarmaı stansasy — Qyzylorda oblysynyń shekarasy).
Qyzylorda oblysy
«RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1240-1362-shaqyrym aralyǵynda (Aqtóbe oblysy shekarasynan Aral qalasyna deıin).
Pavlodar oblysy
Respýblıkalyq mańyzy bar «Pavlodar — Sharbaqty — RF shekarasy (Sharbaqty ó/p)» avtojolynyń 0-112-shaqyrym aralyǵyndaǵy ýchaskesinde (Pavlodar qalasynan — RF shekarasyna deıin) kóliktiń barlyq túri úshin úshin qozǵalys ashyldy.
Sondaı-aq tórt óńirde buǵan deıin engizilgen shekteýler áli de kúshinde.
Aqmola oblysy
Respýblıkalyq mańyzy bar «KAZ02 Astana — Kókshetaý (aınalma jol) — Petropavl — RF shekarasy (Jańa Jol ótkizý pýnkti)» avtojolynyń 19-231-shaqyrym aralyǵynda kóliktiń barlyq túri úshin jyldamdyq shekteýi 140 shaq/saǵ-tan 110 shaq/saǵ-qa deıin tómendetildi. Bul shara aýa raıynyń buzylýyna, temperatýranyń tómendeýi, kóktaıǵaq, usaq qardyń jaýýyna baılanysty engizildi.
Soltústik Qazaqstan oblysy
«Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.
Pavlodar oblysy
«Astana — Shiderti — Pavlodar — Ýspenka — RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Qalqaman eldi mekeninen Astanaǵa qozǵalys Bereke «Qalqaman — Aqsý» kólik aıryǵy arqyly (uzaqtyǵy 6 shaqyrym) jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Aýa raıy
2025 jylǵy 3 jeltoqsanda Aqmola, Soltústik Qazaqstan, Qostanaı, Qaraǵandy, Abaı jáne Pavlodar oblystarynyń keı jerinde qar aralas jańbyr men qar jaýady.
— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.
Eske salaıyq, buǵan deıin sınoptıkter 3 jeltoqsanda aýa raıy kúrt ózgeretinin eskertken edi.