3 jeltoqsan. Tulǵalar týǵan kún

Búgin, 3 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

80 jyl buryn (1943) qazaq operasynyń ánshisi, Qazaqstan Respýblıkasynyń eńbek sińirgen ártisi Qanat Nurmuhammeduly OMARBAEV dúnıege keldi.

Almaty oblysynda týǵan. Qazaq ulttyq agrarlyq ýnıversıtetin, Qurmanǵazy atyndaǵy qazaq memlekettik ýnıversıtetin bitirgen.

Eńbek jolyn 1973-1998 jyldary Abaı atyndaǵy Qazaq memlekettik opera jáne balet teatrynyń opera solısi qyzmetinen bastady. 1998 jyly Qazaq ulttyq mýzyka akademııasy vokal-hor fakýltetiniń dekany jáne oqytýshy qyzmetine shaqyryldy. 200-2013 jyldary K. Baıseıitova atyndaǵy Opera jáne balet ulttyq teatrynyń solısi, 2006-2009 jyldary Qazaq ulttyq mýzyka akademııasynyń jeke án aıtý kafedrasynyń meńgerýshisi boldy.

Qazaq ónerin jaqyn jáne alys shetelge tanytty. «Eren eńbegi úshin», «Qazaq ulttyq óner ýnıversıtetine 20 jyl» medaldarymen marapattaldy. 2006 jyly QR Bilim mınıstrliginiń «QR JOO úzdik oqytýshysy» grantyn ıelendi. «QR Eńbek sińirgen ártisi» (qazaq teatr jáne mýzyka ónerine qosqan úlesi úshin) qurmetti ataǵy berildi. QR jáne Ortalyq Azııa ánshiler baıqaýynyń dıplomanty.

63 jyl buryn (1960) Qazaqstan Respýblıkasy Prezıdenti Ákimshiliginiń aqparattandyrý jáne aqparattyq resýrstardy qorǵaý bóliminiń meńgerýshisi – Ǵanı Ótenuly TІLEÝBEKOV dúnıege keldi.

Jambyl oblysynda týǵan. S.M. Kırov atyndaǵy Qazaq memlekettik ýnıversıtetin, Respýblıkalyq komsomol mektebi janyndaǵy bir jyldyq kýrsty bitirgen.

Eńbek joly: 1988-1989 jyldary Almaty jeńil ónerkásip tehnologııalyq tehnıkýmynda saıası ekonomııa oqytýshysy, 1989-1990 jyldary orta mektepte mektepten tys jáne synyptan tys tárbıe jumysyn uıymdastyrýshy bolyp eńbek etti. 1990-1997 jyldary Qazaqstannyń komsomol organdarynda jaýapty qyzmetterde, kommertsııalyq qurylymdarda jumys istedi. 1997-2002 jyldary QR Prezıdenti Ákimshiliginde aǵa maman, 2002-2004 jyldary QR Prezıdenti Ákimshiligi Keńsesinde sektor meńgerýshisi, QR Prezıdenti Keńsesinde jalpy bólim meńgerýshisi, 2004-2005 jyldary QR Prezıdenti Keńsesinde memlekettik qupııalardy jáne aqparattandyrýdy qorǵaý bóliminiń sektor meńgerýshisi, 2005-2008 jyldary QR Prezıdenti Ákimshiliginde memlekettik qupııalardy jáne aqparattandyrýdy qorǵaý bólimi meńgerýshisiniń orynbasary, qujattamalyq qamtamasyz etý bóliminiń sektor meńgerýshisi, qujattamalyq qamtamasyz etý bólimi meńgerýshisiniń orynbasary boldy.

Qazirgi qyzmetin 2008 jylǵy qazan aıynan bastap atqaryp keledi.

54 jyl buryn (1969) Qazaqstan Respýblıkasy Qarýly kúshteri Áskerı-teńiz kúshteriniń bas qolbasshysy Sáken Mansuruly BEKJANOV dúnıege keldi.

Tselınograd qalasynda týǵan. M.V. Frýnze atyndaǵy Joǵary áskerı-teńiz ýchılışesin 1992 jyly, N.G. Kýznetsov atyndaǵy Áskerı-teńiz akademııasyn 2005 jyly támamdaǵan. Leıtenanttan bastap І dárejeli kapıtan áskerı ataǵyna deıin áskerı qyzmettiń barlyq satysynan ótken.

Eńbek joly: 1987-1992 jyldary JÁTÝ-diń kýrsanty bolǵan. 1992-2003 jyldary Reseı Federatsııasynyń Qarýly Kúshterinde kemeniń jaýyngerlik bóliminiń komandırinen keme komandırine deıin ártúrli laýazymdarda qyzmet etken. 2003-2005 jyldary N.G. Kýznetsov atyndaǵy Áskerı-teńiz akademııasynyń tyńdaýshysy boldy. 2015-2011 jyldary dıvızıon komandırinen bastap Reseı Federatsııasy Soltústik flotynyń qamtamasyz etý kemeleri brıgadasynyń komandırine deıin ártúrli laýazymdardy atqardy. 2012-2013 jyldary QR QK ÁTK 29011 áskerı bólimi komandıriniń orynbasary – jaýyngerlik daıarlyq bólimshesiniń bastyǵy, 2013-2015 jyldary 29011 áskerı bóliminiń komandıri – QR QK ÁTK bas qolbasshysynyń orynbasary, 2015-2016 jyldary bas qolbasshynyń orynbasary – QR QK Áskerı-teńiz kúshteri bas qolbasshysy basqarmasy materıaldyq-tehnıkalyq qamtamasyz etý basqarmasynyń bastyǵy, 2016-2018 jyldary RF QK bas shtaby Áskerı akademııasynyń adıýnkti boldy.

Qazirgi qyzmetin 2018 jyldyń sáýir aıynan atqaryp keledi.

Mereıtoılyq jáne eńbek ótkergen jyldary úshin jeti medalmen marapattalǵan.

45 jyl buryn (1978) M.S. Nárikbaev atyndaǵy Qazaq gýmanıtarlyq zań ýnıversıtetiniń basqarma tóraǵasy Talǵat Maqsutuly NÁRІKBAEV dúnıege keldi.

Almaty oblysynda týǵan. 2000 jyly Abaı atyndaǵy Almaty memlekettik ýnıversıtetin, 2004 jyly Reseıdiń Syrtqy barlaý akademııasyn támamdaǵan.

Eńbek joly: 1988-1999 jyldary Almaty aýdany Astana qalasy ІІB tergeý bóliminiń tergeýshisi, 1999-2006 jyldary Qazaqstan Respýblıkasy Ulttyq qaýipsizdik komıtetiniń qyzmetkeri, 2006-2007 jyldary Qazaqstan Respýblıkasy Syrtqy ister mınıstrligi Eýropa jáne Amerıka departamentiniń keńesshisi bolyp eńbek etti. 2007-2008 jyldary KAZGıÝÝ Ýnıversıtetiniń prezıdenti, 2013-2019 jyldary KAZGıÝÝ ýnıversıtetiniń rektory boldy.

Qazirgi qyzmetin 2008 jyldan atqaryp keledi.

Memlekettik jáne vedomstvolyq nagradalary: «UQK-KNB Qazaqstan» tós belgisi (2004 j.), QR UQK Tóraǵasynyń alǵys haty (2005 j.), «Astanaǵa 10 jyl» (2008 j.), «Qazaqstan Respýblıkasynyń Qarýly Kúshterine 20 jyl» medali (2012 j.), «Qazaqstan Konstıtýtsııasyna 20 jyl» mereıtoılyq medali (2015 j.), «Qazaqstan Respýblıkasynyń prokýratýrysyna 25 jyl» mereıtoılyq medali (2016 j.), «Astana 20 jyl» mereıtoılyq medali (2018 j.), «Konstıtýtsııalyq zańdylyqty nyǵaıtýǵa qosqan úlesi úshin» medali (2018 j.), «Eren eńbegi úshin» medali (2017 j.), Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Sybaılas jemqorlyqqa qarsy qyzmet» medali (2019 j.).

39 jyl buryn (1984) QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti (Sybaılas jemqorlyqqa qarsy qyzmet) basshysynyń birinshi orynbasary Nurlan Serikuly JAHIN dúnıege keldi.

Kókshetaý oblysy Qyzyl tý aýylynda dúnıege kelgen.

2006 jyly Soltústik Qazaqstan memlekettik ýnıversıtetin «qazaq tili jáne ádebıet» mamandyǵy boıynsha, 2010 jyly «zańger» mamandyǵy boıynsha támamdaǵan. Qazaqstan Respýblıkasy Prezıdenti janyndaǵy memleketti basqarý akademııasyn bitirgen. Memlekettik saıasat ulttyq mektebinde «Executive Master of Public Administration» baǵdarlamasy boıynsha «Bıznes jáne basqarý» magıstri atanǵan.

2010-2014 jyldary aralyǵynda Soltústik Qazaqstan oblysy boıynsha EQSKD (qarjy polıtsııasy) ınspektory, aǵa ınspektory, uıymdastyrý-baqylaý basqarmasynyń AMІ jónindegi aǵa ınspektory, baspasóz hatshysy qyzmetin atqardy. 2014-2017 jyldary MQІjSJQA Soltústik Qazaqstan oblysy boıynsha aýmaqtyq departamentiniń Sybaılas jemqorlyqqa qarsy saýattandyrý bóliminiń basshysy, Sybaılas jemqorlyq profılaktıkasy basqarmasynyń basshysy, MQІjSJQA Jurtshylyqpen baılanys ornatý departamentiniń bas konsýltanty boldy. 2018 jyldyń qańtary men qyrkúıegi aralyǵynda MQІjSJQA Jurtshylyqpen baılanys ornatý departamenti dırektorynyń orynbasary – Resmı ókil qyzmetin atqardy. 2019-2022 jyldary Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti (Sybaılas jemqorlyqqa qarsy qyzmet) basshysynyń birinshi orynbasary bolyp jumys istedi.

Qazirgi qyzmetin 2022 jyldyń qyrkúıek aıynan atqaryp keledi.

75 jyl buryn (1948-2021) Qazaqstannyń eńbek sińirgen ártisi Ǵazıza ÁBDІNÁBIEVA dúnıege keldi.

Qyzylorda oblysynyń Syrdarııa aýdanynda týǵan. 1970 jyly Qazaq ulttyq konservatorııasyn bitirgen.

1969-1993 jyldary Qazaq jastar men balalar teatrynyń aktrısasy bolǵan. 1993-2021 jyldary M. Áýezov atyndaǵy Qazaq memlekettik akademııalyq drama teatrynyń aktrısasy bolyp eńbek etken.

B. Maılınniń «Shuǵasynda» Shuǵa, Sh. Aıtmatovtyń «Armanym, Áselimde» Ásel, A. Chehovtyń «Shaǵalasynda» Arkadına, R. Muqanovanyń «Máńgilik bala beınesinde» Káláı, S. Balǵabaevtyń «Ǵashyqsyz ǵasyrynda» Raıhan, M. Áýezovtiń «Qarakózinde» Mórjan, Ý. Shekspırdiń «Gamletinde» Gertrýda jáne taǵy basqada rólderdi somdady. «Toǵysqan taǵdyrlar» (Roza) jáne «Qarashegirtke» (Margo) teleserıaldaryna, «Láılániń namazy», taǵy basqa kórkem fılmderge, balalarǵa arnalǵan telebaǵdarlamalarǵa túsken. Gastroldik saparmen Germanııa, Reseı, Iran jáne Qazaqstannyń birqatar qalalarynda óner kórsetken.