3 jeltoqsan. Týǵan kún ıeleri

ESІMDER

76 jyl buryn (1943) qazaq operasynyń ánshisi, Qazaqstan Respýblıkasynyń eńbek sińirgen ártisi Qanat Nurmuhammeduly OMARBAEV dúnıege keldi.

Almaty oblysynda týǵan. Qazaq ulttyq agrarlyq ýnıversıtetin, Qurmanǵazy atyndaǵy qazaq memlekettik ýnıversıtetin bitirgen. Eńbek jolyn 1973-1998 jyldary Abaı atyndaǵy Qazaq memlekettik opera jáne balet teatrynyń opera solısi qyzmetinen bastady. 1998 jyly Qazaq ulttyq mýzyka akademııasy vokal-hor fakýltetiniń dekany jáne oqytýshy qyzmetine shaqyryldy. 200-2013 jyldary – K.Baıseıitova atyndaǵy Opera jáne balet ulttyq teatrynyń solısi. 2006-2009 jyldary – Qazaq ulttyq mýzyka akademııasynyń jeke án aıtý kafedrasynyń meńgerýshisi boldy.

Qazaq ónerin jaqyn jáne alys shetelge tanytty. «Eren eńbegi úshin», «Qazaq ulttyq óner ýnıversıtetine 20 jyl» medaldarymen marapattaldy. 2006 jyly QR Bilim mınıstrliginiń «QR JOO úzdik oqytýshysy» grantynyń ıegeri. «QR Eńbek sińirgen ártisi» (qazaq teatr jáne mýzyka ónerine qosqan úlesi úshin) qurmetti ataǵyn ıelendi. QR jáne Ortalyq Azııa ánshiler baıqaýynyń dıplomanty.

71 jyl buryn (1948) Qazaqstannyń eńbek sińirgen ártisi, M.Áýezov atyndaǵy Qazaq memlekettik akademııalyq drama teatrynyń aktrısasy Ǵazıza ÁBDІNÁBIEVA dúnıege keldi.

Qyzylorda oblysynyń Syrdarııa aýdanynda týǵan. Qazaq ulttyq konservatorııasyn bitirgen. 1969-1993 jyldary Qazaq jastar men balalar teatrynyń aktrısasy bolǵan. B.Maılınniń «Shuǵasynda» Shuǵa, Sh Aıtmatovtyń «Armanym, Áselimde» Ásel, A.Chehovtyń «Shaǵalasynda» Arkadına, R.Muqanovanyń «Máńgilik bala beınesinde» Káláı, S.Balǵabaevtyń «Ǵashyqsyz ǵasyrynda» Raıhan, M.Áýezovtiń «Qarakózinde» Mórjan, Ý.Shekspırdiń «Gamletinde» Gertrýda, taǵy basqada rolderdi oryndady. «Toǵysqan taǵdyrlar» (Roza) jáne «Qarashegirtke» (Margo) teleserıaldaryna, «Láılániń namazy», taǵy basqa kórkem fılmderge, balalarǵa arnalǵan telebaǵdarlamalarǵa túsken. Gastroldik saparmen Germanııa, Reseı, Iran jáne Qazaqstannyń birqatar qalalarynda óner kórsetken.

59 jyl buryn (1960) Qazaqstan Respýblıkasy Prezıdenti Ákimshiliginiń aqparattandyrý jáne aqparattyq resýrstardy qorǵaý bóliminiń meńgerýshisi - Ǵanı Ótenuly TІLEÝBEKOV dúnıege keldi.

Jambyl oblysynda týǵan. S.M.Kırov atyndaǵy Qazaq memlekettik ýnıversıtetin, Respýblıkalyq komsomol mektebi janyndaǵy bir jyldyq kýrsty bitirgen. 1988 jyldan - Almaty jeńil ónerkásip tehnologııalyq tehnıkýmynda saıası ekonomııa oqytýshysy. 1989 jyldan - orta mektepte mektepten tys jáne synyptan tys tárbıe jumysyn uıymdastyrýshy. 1990 jyldan - Qazaqstannyń komsomol organdarynda jaýapty qyzmetterde, kommertsııalyq qurylymdarda jumys jasady. 1997 jyldan QR Prezıdenti Ákimshiliginde aǵa maman. 2002 jyldan - QR Prezıdenti Ákimshiligi Keńsesinde sektor meńgerýshisi, QR Prezıdenti Keńsesinde jalpy bólim meńgerýshisi. 2004 jyldan - QR Prezıdenti Keńsesinde memlekettik qupııalardy jáne aqparattandyrýdy qorǵaý bóliminiń sektor meńgerýshisi. 2005 jyldan - QR Prezıdenti Ákimshiliginde memlekettik qupııalardy jáne aqparattandyrýdy qorǵaý bólimi meńgerýshisiniń orynbasary, qujattamalyq qamtamasyz etý bóliminiń sektor meńgerýshisi, qujattamalyq qamtamasyz etý bólimi meńgerýshisiniń orynbasary.

2008 jyly qazan aıynda QR Prezıdenti Ákimshiliginiń aqparattandyrý jáne aqparattyq resýrstardy qorǵaý bóliminiń meńgerýshisi bolyp taǵaıyndaldy.

59 jyl buryn (1960) Respýblıkalyq bıýdjettiń atqarylýyn baqylaý jónindegi esep komıtetiniń múshesi Halıda Mýrdýnqyzy QAMBAROVA Almaty qalasynda týǵan. 1983 jyly Qazaq polıtehnıkalyq ınstıtýtyn «ınjener-júıe tehnıgi» mamandyǵy, 2000 jyly Eýrazııa naryq ınstıtýtyn ekonomıst-qarjyger mamandyǵy boıynsha bitirgen. Eńbek jolyn 1984 jyly Qazaq KSR Memlekettik josparlaý janyndaǵy Josparlaý protsesterin avtomattandyrý jáne basqarý qurylymdaryn jetildirý jónindegi ǵylymı-zertteý ınstıtýtynda bastady.

1993 – 1997 jyldar aralyǵynda – Qazaqstan Respýblıkasy Ekonomıka jáne saýda mınıstrliginde bas maman, bólim bastyǵy, basqarma bastyǵynyń orynbasary boldy. 1998 – 1999 jyldar aralyǵynda – Qazaqstan Respýblıkasy Statıstıka jáne taldaý komıteti Aqparattyq esepteý ortalyǵynyń bólim bastyǵy laýazymyn atqardy. 1999 – 2002 jyldar aralyǵynda – Qazaqstan Respýblıkasy Statıstıka agenttiginde basqarma bastyǵy, departament dırektory bolyp jumys istedi. 2002 – 2004 jyldar aralyǵynda – «Munaıkonsaltıng» JAQ-ta, «Qazmunaıgazkonsaltıng» AQ-da bas menedjer-taldaýshy boldy.

2004 – 2008 jyldar aralyǵynda – Qazaqstan Respýblıkasy Statıstıka agenttiginiń Eńbek statıstıkasy departamenti dırektorynyń orynbasary, Taldaý jáne jarııalaý departamentiniń dırektory laýazymdaryn atqarǵan. 2008 – 2010 jyldar aralyǵynda – Ekonomıka jáne bıýdjettik josparlaý mınıstrliginiń Makroekonomıkalyq taldaý jáne boljamdaý departamentiniń dırektory. 2010 jyldan bastap 2016 jylǵy maýsym aralyǵynda - Respýblıkalyq bıýdjettiń atqarylýyn baqylaý jónindegi esep komıteti Josparlaý, taldaý jáne eseptilik bóliminiń meńgerýshisi laýazymyn atqarǵan. Qazaqstan Respýblıkasy Parlamenti Májilisiniń 2016 jylǵy 8 maýsymdaǵy qaýlysymen Respýblıkalyq bıýdjettiń atqarylýyn baqylaý jónindegi esep komıtetiniń múshesi bolyp taǵaıyndaldy. «Eren eńbegi úshin» medalimen (2014 j.), Qazaqstan Respýblıkasy Prezıdentiniń Qurmet gramotasymen (2009 j.), 2 merekelik medalmen, «Úzdik memlekettik qyzmetshi» vedomstvolyq tósbelgisimen (2013 j.) jáne ІІІ dárejeli «Qarjy saqshysy» medalimen (2016 j.) marapattalǵan.

50 jyl buryn (1969) Qazaqstan Respýblıkasy Áskerı-teńiz kúshteriniń bas qolbasshysy Sáken Mánsuruly BEKJANOV dúnıege keldi.

Tselınograd qalasynda týǵan. M.V. Frýnze atyndaǵy Joǵary áskerı-teńiz ýchılışesin 1992 jyly, N.G. Kýznetsov atyndaǵy Áskerı-teńiz akademııasyn 2005 jyly támamdaǵan.

Leıtenanttan bastap 1-shi dárejeli kapıtan áskerı ataǵyna deıin áskerı qyzmettiń barlyq satysynan ótken. 1987 jyldyń tamyzynan bastap 1992 jyldyń maýsymyna deıin JÁTÝ-diń kýrsanty bolǵan. 1992 jyldyń shildesinen bastap 2003 jyldyń qyrkúıegine deıin Reseı Federatsııasynyń Qarýly Kúshterinde kemeniń jaýyngerlik bóliminiń komandırinen keme komandırine deıin ártúrli laýazymdarda qyzmet etken. 2003 jyldyń qyrkúıeginen bastap 2005 jyldyń maýsymyna deıin N.G.Kýznetsov atyndaǵy Áskerı-teńiz akademııasynyń tyńdaýshysy boldy. 2015 jyldyń maýsymynan bastap 2011 jyldyń maýsymyna deıin dıvızıon komandırinen bastap Reseı Federatsııasy Soltústik flotynyń qamtamasyz etý kemeleri brıgadasynyń komandırine deıin ártúrli laýazymdardy atqardy. 2012 jyldyń sáýirinen bastap 2013 jyldyń tamyzyna deıin - QR QK ÁTK 29011 áskerı bólimi komandıriniń orynbasary – jaýyngerlik daıarlyq bólimshesiniń bastyǵy. 2013 jyldyń tamyzynan bastap 2015 jyldyń maýsymyna deıin – 29011 áskerı bóliminiń komandıri – QR QK ÁTK bas qolbasshysynyń orynbasary. 2015 jyldyń maýsymynan bastap 2016 jyldyń tamyzyna deıin – bas qolbasshynyń orynbasary – QR QK Áskerı-teńiz kúshteri bas qolbasshysy basqarmasy materıaldyq-tehnıkalyq qamtamasyz etý basqarmasynyń bastyǵy. 2016 jyldyń tamyzynan bastap 2018 jyldyń sáýirine deıin RF QK bas shtaby Áskerı akademııasynyń adıýnkty boldy. 2018 jyldyń 18 sáýirinen bastap Qazaqstan Respýblıkasy Prezıdentiniń Jarlyǵymen QR QK Áskerı-teńiz kúshteriniń bas qolbasshysy laýazymyna taǵaıyndaldy.

Mereıtoılyq jáne eńbek ótkergen jyldary úshin 7 medalmen nagradtalǵan.