3 táýlik ishinde Astanada 122 jol-kólik oqıǵasy tirkeldi
ASTANA. QazAqparat - Sońǵy 3 táýlik ishinde Astana joldarynda 122 jol-kólik oqıǵasy tirkeldi. Olardyń nátıjesinde 6 adam jaraqat aldy. Abyroı bolǵanda, qurbandar joq, dep habarlaıdy elorda ákimdiginiń resmı saıty.
Astana qalasy polıtsııa departamentiniń baspasóz qyzmetine silteme jasap. Elordanyń jol-kólik polıtsııasy qyzmetkerleriniń aıtýynsha, joldardaǵy apattardyń oryn alýyna negizinen kólik ıeleriniń jazǵy shınany qysqysyna aýystyrmaýy sebep bolyp otyr.
Astana ákimdigi polıtsııa departamentimen birlesip, kólik ıelerine elorda kósheleri men joldarynda júrý kezinde abaı bolyp, qaýipsiz qashyqtyq pen jyldamdyqty saqtaýǵa, kenet toqtaýdy boldyrmaýǵa tyrysýǵa, jolda júrý erejelerin qatań saqtaýǵa keńes beredi. Jaıaý júrginshiler de jolda abaı bolýy tıis.
«Aýa-raıynyń qolaısyzdyǵyna baılanysty joldardyń qozǵalys bóliginde avtokólikterdiń tejeý joly aıtarlyqtaı uzara túsedi. Sol sebepti joldyń qozǵalys bóligin belgilengen jerde jáne baǵdarshamnyń ruqsat shamyna sáıkes ótken durys», - delingen habarlamada.
